![Arlo ezberdinetako pertsonek iragarri dute Tolosaldean egingo duten galdeketa. (ARGAZKI PRESS)](/media/asset_publics/resources/000/292/591/article_main_landscape/tolosaldea.jpg)
Ekainaren 5ean hainbat herritan antolatu dituzten galdeketak jarraipena izango dute 2017an. Larunbat eguerdian ezagutzera eman dutenez Tolosaldean ere galdeketa egingo dute. Eremu ezberdinetako pertsonek «Tolosaldeko giltzarria» aurkeztu dute eta erabakitzeko eskubidea gauzatzeko sinadura bilketa bat egingo dutela azaldu dute. Martxoaren 19an egingo dute galdeketa Tolosaldean.
Tolosako Aranburu Jauregiaren aurrean iragarri dute eskualdeko 28 herriek hurrengo urtean egingo duten galdeketa, baita azken hilabeteetan egindako lanaren emaitza den adierazpena irakurri ere. «Hautesontziak zabaltzea erabaki dugu. Herriari galdetzera goaz eta horretarako Tolosaldeko herritar anitzek osatutako batzordeak gidatuko du galdeketa bitarteko prozesu guztia», azaldu dute.
Euskal Herriaren etorkizunaz erabakitzea demokrazia ariketa sinplea dela nabarmendu dute, baina era berean «konplexutasunez beteta». Hori dela eta, parte hartze zabalaren eta gizarte kohesioaren beharra azpimarratu dute.
Irakurri duten adierazpenak lau puntu nagusi aipatzen ditu: herritarren erabakitzeko eskubidea dutela eta herritarren garaia heldu dela, abiatutako bideari zilegitasuna ematen dioten adostasun eremu zabalak sortu dituztela eskualdean, prozesuak herritaren parte hartzea ahalbidetzeko helburua duela eta ezberdinen arteko adostasunak bilatzen jarraitzeko konpromisoa hartzen dutela.
Bestetik, Larrabetzun ere galdeketa egingo dutela iragarri dute. Kasu honetan, martxoaren 26an egingo dutela azaldu dute.
Dagoeneko galdeketak iragarrita dituzte Oiartzualdean, Sakanan eta Uribe Kostan, besteak beste, baina aurki herri gehiago gehituko zaizkie. Orotara 60 inguruk hartuko dute bigarren olatua.
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Indurain-villavesa2](/media/asset_publics/resources/001/136/510/article_thumb_horizontal/indurain-villavesa2.jpg)
Casi todos los incidentes imaginables se suceden en un encierro de la villavesa lento e irreal
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)
Dos bestazales violentamente atacadas por defender a un hombre de una agresión
![Piratak](/media/asset_publics/resources/001/137/746/article_thumb_horizontal/piratak.jpg)
‘Belak mastara eta euskara plazara’ aldarriarekin ospatuko dute Donostiako Piratek Aste Nagusia
![Atristain](/media/asset_publics/resources/001/134/948/article_thumb_horizontal/Atristain.jpg)