Gaur goizean aske geratu da Anartz Oiartzabal donostiarra, 14 urte preso eman ostean.

Ocaña I espetxetik atera da, senide eta lagunak atarian zain zituela.

Oiartzabal Olaia Kastresanaren bikotekidea zen; Torreviejan hil zen ETAko militantea 2001eko uztailean, lehergailu batek eztanda egin ostean. Donostiarra 2002an atxilotu zuten frantziar Estatuan. Bertan ezarri zioten zigorra bete ondoren, 2007ko uztailean espainiaratu eta espetxeratu egin zuten.