Çolak-en lehen golak zaildu egin du Athleticen lana eta Deporren atera gerturatu ezinda ibili dira Valverderen mutilak partidaren tarte handienean. Bigarren zatian dezente hobetu dute zurigorriek baina 71. minutura arte ia aukerarik sortu gabe ziren, Muniainek gola egin duen arte. Susaetaren jokaldi bikainaren ondorioz iritsi da aukera, Adurizek lehen errematea eta bigarren kolpean txantrearrak banakoa markagailura. 

Partidari eutsi nahiean Depor azken minutuetan, beste jokaldi katramilatu baten ostean lortu du 89. minutuan Aritz Adurizek, bere urtebetetze opari gisa edo, Athletici garaipena eman dion bigarren gola.

Hiru puntu gehiago, hiru puntu garrantzitsu zurigorriek Europara begira jarrai dezaten.