Torturapean hildako Joxe Arregiren heriotzaren 36. urteurrenean mobilizazioak izan ziren atzo iluntzean; Bilbon La Salveko Guardia Zibilaren kuarteleraino eraman zuen salaketa, «Stop Tortura» lemapean, Arriaga antzokiaren aurretik Sortuk deituta abiatutako manifestazioak. Torturaren biktimentzat justizia eskatu zuten. Euskal Memoriak orain arte 5.657 tortura kasu egiaztatu ditu.