ELA eta LAB Artxandako Tuneletako langileen lan hitzarmena berritzeko akordio batera iritsi dira. Aurreakordioa langileen gehiengo zabal batek babestu du eta asteazkenean delegatuek sinatu zuten. Ondorengo hobekuntzak ditu, besteak beste: enpresak ezingo dio lan hitzarmena aplikatzeari uko egin langileekin adostu gabe, 2014tik galdutako erosahalmen guztia berreskuratuko da izandako KPIen gainetik; era berean, igande, jaiegun eta gauetako plusetan %50eko igoera onartu da, eta larunbatetan lanera joateagatiko ordainsaria sortu da; zortzi orduko lanaldi murrizketa –aukera askeko egun batekin– eta egutegian eta oporraldietan hobekuntzak.