Alba Fatuarte EH Bildu Bilboko zinegotziak Indautxuko Eskoletako gurasoekin batera agerraldia egin du goizean, ikasleek ikasgeletan jasan behar izan duten beroa salatzeko.
«Ikasturtea bukatzear da eta, beste urte batez, ikasgeletako beroaren arazoa ez da konpondu», salatu du Fatuartek. Gurasoek baieztapen horrekin bat egin dute eta gogoratu dute 400 umek ikasten dutela Indautxuko Eskoletan.
Azken egunetan geletan zegoen beroarengatik klasea pasiloetan eman behar izan dute umeek eta Fatuartek gogoratu du ez dela une zehatz batean ematen den arazoa.«Urte guztian arazo bera daukate. Neguan ezin dute berogailua tenperatura egokian jarri eta udan, eguzkiagatik, tenperaturak gora egiten du, batez ere Autonomia kalera begira dauden ikasgeletan», azaldu du.
Zinegotziak azpimarratu duenez, azken egunetan 30 graduko tenperaturak izan dituzte ikasgeletan eta araudiaren arabera, horrelako tenperaturak «arriskutsuak» dira.
Zinegotziak esan du egoera bera beste ikastetxe batzuetan errepikatu dela. Santutxuko Luis Briñas ikastetxean salaketa bera egin dute.
«Gure ustez, honek zerikusia du Bilboko eskola publikoetan egiten den inbertsio eskasarekin. Hori dela eta, beste behin ere, eskola publikoari baliabide gehiago ematea eskatzen dugu hirian kalitatezko hezkuntza izateko», esan du Fatuartek.
Aldi berean, EH Bilduk Koldo Narbaiza Kultura zinegotziaren agerraldia eskatu du. Santutxu eta Indautxuko ikastetxeen moduko egoera gehiago dauden eta zein neurri hartuko diren ezagutu nahi du EH Bilduk.
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Naizxalbador](/media/asset_publics/resources/001/135/773/article_thumb_horizontal/NAIZxalbador.jpg)
AEBetako Glitterfox taldeak euskaraz eta disco ukituarekin grabatu du ‘Xalbadorren heriotzean’
![Encierro4](/media/asset_publics/resources/001/136/243/article_thumb_horizontal/encierro4.jpg)
Casi cuatro toneladas de Miura y dos tremendas embestidas en Mercaderes y la curva
![Indurain-villavesa2](/media/asset_publics/resources/001/136/510/article_thumb_horizontal/indurain-villavesa2.jpg)
Casi todos los incidentes imaginables se suceden en un encierro de la villavesa lento e irreal
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)