![Durangoko bonbardaketan hil zirenei omenaldia, iaz. (Monika DEL VALLE/ARGAZKI PRESS)](/media/asset_publics/resources/000/410/790/article_main_landscape/durango-bombardeo.jpg)
Durangoko Martxoak 31 Batzordeak agerraldia egingo du heldu den uztailaren 18an, 1937an herria bonbardatu zutenen aurka aurkeztuko duen kereilaren berri emateko. Ohar batean jakinarazi duenez, urte hartako martxoaren 31an, apirilaren 2an eta 4an Durangoko jasan zituen bonbardaketen eta metrailaketen egileen aurkakoa izango da kereila.
Egun horretan bertan, eguerdian, elkarretaratzea egingo dute, bost minutukoa, Ezkurdin, eta ondoren kereila jartzera joango dira epaitegira.
Durangoren bonbardaketan hirurehundik gora pertsona hil ziren eta ehunka zauritu, hamaika etxe eta eraikin suntsituta geratu ziren. Martxoak 31 Batzordearen ustez, eraso hori «gizateriaren aurkako krimena izan zen, preskribitzen ez denetakoa», eta horregatik kereila aurkeztea erabaki dute. Kereila tramitera onartuz gero, beste ekimen bat abiaraziko dute, nahi duten elkarteek kereilan herri-akusazio gisa aurkeztu daitezen.
Martxoak 31 Batzordea Durangoko Udalbatzarrak, alkateak eta zinegotziak, Durangoko alderdi politikoek eta Durangoko hainbat herri-elkartek osatzen dute, hala nola, Gerediaga Elkarteak, Ongi Etorri Errefuxiatuak erakundeak, Kriskitin Dantza Taldeak, Ongi Etorri Kovanêk, Aranzadi Zientzia Elkarteak eta Durango 1936 Kultur Elkarteak.
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Naizxalbador](/media/asset_publics/resources/001/135/773/article_thumb_horizontal/NAIZxalbador.jpg)
AEBetako Glitterfox taldeak euskaraz eta disco ukituarekin grabatu du ‘Xalbadorren heriotzean’
![Encierro4](/media/asset_publics/resources/001/136/243/article_thumb_horizontal/encierro4.jpg)
Casi cuatro toneladas de Miura y dos tremendas embestidas en Mercaderes y la curva
![Indurain-villavesa2](/media/asset_publics/resources/001/136/510/article_thumb_horizontal/indurain-villavesa2.jpg)
Casi todos los incidentes imaginables se suceden en un encierro de la villavesa lento e irreal
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)