Asteazkenean izango da Iñigo Cabacasen heriotzaren inguruko lehen epaiketa, baina NAIZ, GARA, bertako kazetari Iñaki Iriondo eta zuzendari den Iñaki Soto eta familiaren abokatu den Jone Goirizelaia izango dira epaituak. ‘Ugarteko’ ezizenez ezagutzen den ertzainak 250.000 euro eskatu ditu.
Honen harira, EH Bilduk «elkartasun osoa» adierazi die auziperatuei. «Ertzaintzak Basauriko gaztea hil zuen egunean benetan gertatu zena argitzen saiatzeagatik, informazio zuzena emateagatik», azpimarratu du koalizioak.
«Lotsagarritzat» jo du epaiketa, eta sistema judiziala «oso toki txarrean» jartzen duela gaineratu. «Bada garaia gertatu zena behingoz argitzeko eta errudunak epaitu eta kondeantzeko. Inolako zentzurik ez duena eta lekuz kanpo dagoena da kasuari buruzko informazioa eman dutena epaitzea Cabacas zegoen tokian guztiarekin sartzeko agindua eman zuen ertzainaren erantzunkizuna seinalatzeagatik».
Era berean, Cabacas familiaren «mina areagotu» egiten duela ekarri dute gogora eta, gainera, «prentsa askatasunaren aurkako eraso zuzena» dela azpimarratu. Goirizelaiaren kasuan, bestetik, «erreparazio bila egindako lana jomugan» dagoela nabarmendu dute.
Cementerio de Santa Ifigenia, lugar de descanso de las grandes figuras de la historia de Cuba
Un perfil que vincula solidaridad con inseguridad, ¿quién está tras la concentración de Egia?
«Urteak daramatzat etxean lan onak egiten, eta plazan erakutsi nahi nuen noizbait behintzat»
Más de 60 bomberos vascos parten «por fin» hacia València
