‘Egun bat gehiagorik ez! Ion, Jakes, Xistor eta Unai etxerat!’ lemapean, hamar elkarretaratze deitu ditu Bagoaz kolektiboak apirilaren 14rako.
Goizeko 11.00etan hasi eta eguerdira arte Baiona eta Donibane Lohizune artean egingo diren hamar kontzentrazio hauen bitartez, Jakes Esnal, Txistor Haranburu eta Unai eta Ion Paroten askatasuna aldarrikatuko du kolektiboak.
Izan ere, apirilean 29. urtea hasiko da espetxeratu zituztenetik. Oroitarazi dutenez, espainiar zein frantziar estatuetan existitzen diren zigorrik «zorrotzenak» ezarri zizkieten: Ion Parot, Txistor Haranburu eta Jakes Esnali bizi osorako zigorra ezarri zien Parisko auzitegiak eta Unai Paroti aldiz, 40 urteko espetxe zigorra ezarri zion Auzitegi Goren espainiarrak.
Gainera, azpimarratu du Haranburuk, Esnalek eta Ion Parotek «haien eskubidea den baldintzapeko askatasun» eskaera egin duten bakoitzean ezezko erantzuna jaso dutela, «argudio politiko eta ez juridikoetan oinarrituz».
Baiona, Angelu, Biarritz, Bidarte, Getaria eta Donibane Lohizuneko puntu desberdinetan egingo diren elkarretaratze horiei begira, herrikako banaketa antolatu du Bagoazek eta, hortaz, hitzorduak kontsultatu eta errespetatzeko deia egin dio kolektiboak gerturatzeko asmoa duen pertsona orori.
Electos de Maule ceden parte de su asignación para apoyar a los atletas olímpicos palestinos
La fiesta en Lizarra arranca con represión a un cantante, cohete dividido y Bajadica suspendida
Dos detenidos en Iruñea acusados de agredir a un seguidor de la selección española
Gasteizko Oroimen Zentroari Urrezko Domina «iraingarria eta umiliagarria» dela salatu dute
