Gogoangarria izan zen larunbatean Berri Txarrak taldeak BECen eskainitako kontzertua. Munduko zati handi batean hedatu ostean, larunbatean iritsi zen 'Infrasoinuak' azken diskoa sorterrian erakusteko ordua eta taldeak inoiz egin duen kontzerturik handienean aurkeztu zuen.

Hamar mila lagunen aitzinean hiru ordu luzez gogor aritu ziren taularen gainean Gorka Urbizu, David Gonzalez eta Galder Izagirre. Azaroan argia ikusi zuen hamar abesti jasotzen dituen diskoari eskaini zizkioten lehen akordeak. Ondoren, ostera, Berri Txarrak taldeak 1994.urtean jaio zenetik utzitakoa aletu zuten.

Ederra izan zen larunbatekoa, izugarria askorentzat, izan ere erritmo eta zirraraz bete zen BEC aretoa. Zaila da minutu gutxitan hiru orduko kontzertu batek emandakoa laburbiltzea, haatik Gaizka Peñafielek ekoiztu eta YouTuben zabaldu duen bideoa ahalegin ederra da.

Eta sare sozialak bizitakoaren ispilu, eta froga, diren garai honetan, asko izan ziren unea betikotu nahi izan zutenak. Mugikorrak goratu eta kontzertuaren zenbait istant lapurtu zituzten batzuk, bizitakoa BECeko paretetatik kanpo partekatzeko.

Sareetan barrena zabaldutako bideoen artean, taldeak Larragako Maravillas Lanberto gazteari eskainitako kantuaren uneak izan du oihartzun zabalena. Entzuleek, mugikorren argiez baliatuta, agertoki iluna piztu eta Urbizu uneoro lagundu zuten.

‘Emakume bakoitzeko. Kantua ez doa Larragaraino bakarrik, Brasil aldera doa, Marielle Francorentzat.
Emakumeen alde borrokatzeagatik eraila, emakume izateagatik eraila.
Maravillas eta Mariellerentzat💪🏻.
Gutako bakoitza argi txiki bat da!’
HITZIK GABE @berritxarrak #BTX #Bec pic.twitter.com/2abZr4C2xY

— Bribribliblí (@noemi_257) 2018(e)ko martxoak 18

Maravillas eta Mariellek BEC argitu zutenekoa. Katedral bat bete zorion @berritxarrak ! pic.twitter.com/4qQcfj9Iwh

— Xabi Murua × (@xabimurua) 2018(e)ko martxoak 18

Ikaragarria 😍❤️❤️ @berritxarrak pic.twitter.com/x9qrkEvZfG

— Ioritz (@ioritzmorales) 2018(e)ko martxoak 18

Haatik, Berri Txarraken abesti askoren bideoak ere iritsi dira sarera:

Orain eta beti, BTX.
Spoiler! @berritxarrak pic.twitter.com/4PUrxm5Bpf

— Zai(txu) (@zai_txu) 2018(e)ko martxoak 18

Atzo hau galdu zuenak ederra delitua! Izugarria @berritxarrak pic.twitter.com/0AAKIUUyVH

— Hodei Otegi (@hodeiOtegi) 2018(e)ko martxoak 18

Pasada bat @berritxarrak, mundiala! Segi dezagun oihu egiten, arima urratu arte! pic.twitter.com/twPIoDgGFA

— Iker Lap (@ikerlaps) 2018(e)ko martxoak 18

Bideoez gainera, hamaika irudi eder ikusi ahal izan ditugu sareetan.

Jaio.BTX.Hil#INFRAtour2018 @berritxarrak pic.twitter.com/AqA7aO1HGW

— Maider (@MaiderUralde) 2018(e)ko martxoak 18

Atzo BEC-ken bizitakoa, ez dugu inoiz ahaztuko. Itzela!
Lo vivido ayer en el BEC, no lo olvidaremos nunca. Inmensos!

Eskerrik asko!

Beti Berri Txarrak.
©Unai Beroiz pic.twitter.com/MkzPuzoheL

— Unai Beroiz (@UnaiBeroiz) 2018(e)ko martxoak 18

Aske zarete, libre! Ez dadila haria eten! @berritxarrak ❤️ pic.twitter.com/IMjxrDoLbE

— Maiiaal♥ (@maaiiaaleen98) 2018(e)ko martxoak 18

Maravillas. 💡🍀@berritxarrak #Infrasoinuak #INFRAtour2018 pic.twitter.com/ca837jXZ4t

— Neus Delgado (@Neusa94) 2018(e)ko martxoak 18

Infrasoinuak gara, baina entzungo gaituzte🤟 brutala @berritxarrak pic.twitter.com/DDnDjBMR98

— Larraitz (@Larraitzpica) 2018(e)ko martxoak 18

Euskaraz abesten duen talde batek, euskaraz kantatuz munduari bira eman eta etxean 10.000 lagun batzea ez da ohikoa, eta hala sentitu zuten bertaratutakoek.

Rock and roll-ean dena asmatuta dago, baina euskaraz abesten duen talde batek BEC-en 10.000 lagun batzea oraindik asmatu gabe zegoen. Zorionak @berritxarrak #TxapelaKentzekoa pic.twitter.com/0LDswlKecD

— xABi GoRo (@Xabi_Goro) 2018(e)ko martxoak 18

Aje emozionalaz ere mintzo dira sareetan, kontzertuak eragindakoari hitzik jartzeko zailtasunak agerian utziz.

"Ausartu zaite, saia ibiltzen"
Atzoko aje emozionalarekin jarraitzen dugu batzuk.
Eta poesiak balio duela erakutsi ziguten beste behin.
Bertolt Brecht-en poesiarekin aretoa zutik. https://t.co/tGYcltjd67 @berritxarrak

— Ze poLITE! (@litulagun) 2018(e)ko martxoak 18

Hitzik be eztauket atzokua deskribatzeko. Maravilla(s) bat. Fantasia bat. Eskerrik asko @berritxarrak, ez dadila haria eten! #infratour2018

— Idoia S. (@Idosnchz) 2018(e)ko martxoak 18

Oraindik atzoko emozio saltsa digeritu ezinik. Ederra izan zen. Zati akustikoarekin maitemindu egin nintzen, duela 17 urte 'Aspaldian utzitako zelda' abestia entzun nuenean bezalaxe. Eskerrik asko @berritxarrak literaturarako zubia eraikitzen lagundu zenidatelako. #Infrasoinuak pic.twitter.com/LPUgGv2KeG

— Araitz M. Eizagirre (@amuguruza) 2018(e)ko martxoak 18

Tentsioa nabarmen taula gainean eta soinu gorabeheraren batzuk bart BECeko @berritxarrak en kontzertu hasieran, lehenengo hiru-lau kantatan.
Hortik aurrera itzel, tarteko set “akustikoa” zoragarri eta azken txanpa alimalekoa!

Gozatu genuen bai.
Eskerrik asko.

— Igør Elortza Aranoa (@ielortza) 2018(e)ko martxoak 18

Urbizu, Gonzalez eta Izagirreren jarrera ere txalotu dute askok, lortutako arrakastaren ostean, beti bezain «gertuko, umil eta jator» agertzeagatik.

No soy seguidor de Berri Txarrak, pero tengo muy claro lo que es meter pagando a más de 10.000 personas en un espacio y seguir mostrándote humilde. Mérito no, lo siguiente. Muchos grupos indies deberían tomar ejemplo.

— Luis Benito (@despachopop) 2018(e)ko martxoak 19

Gorka Urbizuk, Galde Izagirrek eta David Gonzalezek zaleen txalo eta berotasuna eskertu zuten kontzetu amaieran. Biharamunean, ostera, sare sozialak erabili zituen taldeak BECen sentitutakoa jarraitzaileei eskertzeko. Barakaldoko kontzertua luzaroan gogoan iltzatuta eramango dutela ere aitortu dute sarean.

Eskerrik asko betirako gogoan iltzatuta geratuko zaigun gau honengatik. BEC-ekoa kontzertu soil bat baino gehiago izan zela erakusten dute zuen mezuek, geuk ere hala sentitu genuen. Ez dadila haria eten!!
(📷 Eider Iturriaga) #InfraTour2018 pic.twitter.com/MKiP65Fe1A

— Berri Txarrak (@berritxarrak) 2018(e)ko martxoak 18