Donostiako Kale Nagusian, Santa Maria elizaren parean dagoen eraikin bat okupatu zuten hainbat lagunek, bertan hotel bat eraiki nahi dutela salatzeko.
Gaur goizean, 6.50 aldera, Udaltzaingoa bertara joan da eta etxebizitzan zeuden guztiak identifikatu ditu. Bost minutu eman dizkiete beren gauzak bildu eta kalera ateratzeko. Sare sozialetan salatu dutenez, udaltzainak kolpeka sartu dira eta «bortxaz» desalojatu dituzte bertan zeudenak.
Udaltzainek okupak kaleratzen zituzten bitartean, Ertzaintzak kanpoan izan dira haiek babesten.
Hotel + ez taldeak manifestazioa deitu du gaur 20.00etarako, Konstituzio plazatik abiatuta, desalojoa salatzeko.