![Imanol Ervitik Movistarren jarraituko du 2019 denboraldian. (Jagoba MANTEROLA / FOKUS)](/media/asset_publics/resources/000/276/224/article_main_landscape/arp_141121_967514.jpg)
Imanol Erviti ez da Movistarretik mugituko. Zurrumurruek bere betiko taldetik urrun kokatzen bazuten ere, txirrindulari nafarrak kontratua luzatu du Eusebio Unzueren taldearekin. 2019 denboraldian ere Movistarren arituko da Erviti.
Taldeak ohar baten bidez adierazi duenez Movistarren oinarreia den Abarca Sportsen «ikurra» da Erviti, bertan eman zuen-eta saltoa profesionaletara 2005ean, eta bertan egingo du profesionaletan 15. denboraldia 2019an.
«Garun pribilegiatua, beste ibilbide batzuetan ere moldatzen den errodadorea eta, gainera, iparraldeko klasikoetan aditua», gehitu dute. Horren froga da 2016an Flandriako Tourrean eta Paris-Roubaixen lortutako emaitza handiak, bietan lehen 10etan sailkatuaz. Vueltan ere bi garaipen ditu, 2008 eta 2010ean, baina azken urteetan sailkapen nagusia lehiatzen ari diren liderrentzako lanean aritu da Erviti.
Gaur egun ere Vueltan dabil txirrindulari nafarra, bere 20. itzuli handia den honetan. «Errepidean taldearen kapitainaren ohitura luzatuko du Imanolek» gehitu du Unzueren taldeak igorritako oharrean.
Nafarraren kontratua luzatzeaz gain, Movistarrek iragarri duenez, Andrey Amador eta Daniele Bennati ere urdinez ibiliko dira datorren urteko tropelean.
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)
Konexioa ezarri dute Lur-1ekin, orbitan jarri duten «lehen euskal satelitearekin»
![Bilbo](/media/asset_publics/resources/001/147/134/article_thumb_horizontal/bilbo.png)
La Policía Municipal de Bilbo retira pancartas y banderas palestinas; al menos 4 identificados
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)
Itziar Ituño inaugura la fiesta apelando al alma del Bilbo abierto, solidario y libre
![0807_eh_txominenea](/media/asset_publics/resources/001/143/842/article_thumb_horizontal/0807_eh_TxominEnea.jpg)