Banku bulego bat setiatu du Ertzaintzak Andoainen, barruan lapurrak zeudelakoan

Sei bat orduz inguratu du Ertzaintzak Andoainen Kutxabanken bulego bat, 14.30ak aldera alarmak saltatu eta barruan lapurrak zeudelakoan.

Kutxabanken Andoaingo bulegoa, ertzainez inguraturik. (@AneJalon)

14.30ak aldera eman du Andoaingo Udalak albistearen berri Twitter bidez: Eskola kaleko Kutxabanken bulegoan alarmak saltatu du.

Eskola kaleko Kutxan alarmak saltatu du duela ordubete; zer dela eta ziurtatzen ari dira uneotan Ertzaintza eta Udaltzaingoa. Kalea itxita dago oinezko zein ibilgailuentzat. Lasaitasuna eskatzen dugu #Andoain
— Andoaingo Udala (@AndoaingoUdala) 28 de octubre de 2018

Hala, bertaratu egin da Ertzaintza, eta trafikoa moztu dute. Lapurreta saiakera zirudien egoera baten aurrean aurkitzen ziren.

#Andoain #andoain badirudi mugimendu arraroren bat sumatu dutela Kutxan. Bulegoa eta bi eskatzak arakatzen ari dira. pic.twitter.com/NZlMubsQls
— AneJalon (@AneJalon) 28 de octubre de 2018

Sei ordu inguru pasa dira Ertzaintza banku bulegoan sartu den arte, baina ez dute barruan inor topatu. Hala, hainbat orduko tentsio momentuen ostean bere horretan, normaltasun osoz, daude zabalik Andoaingo Eskola kaleko kutxazainak.