![Flysch-a, hondakinez gainezka. (NAIZ.EUS)](/media/asset_publics/resources/000/546/206/article_main_landscape/flysch.png)
Dozena bat egun igaro dira Zumaiako flysch-a hondakin solido ugariz pilatuta ageri zen irudi batzuk publikatu zirenetik.
«Deitoratu» egin zuen Gipuzkoako Foru Aldundiak, Ingurumen eta Turismo Zuzendaritzaren bitartez, Gipuzkoako kostaldeko flysch-ean agertutako plastiko kopurua eta, ondorioz, honek sortutako kutsadura eremu horretan.
Geoparkeak berak ere, Zumaia, Deba eta Mutrikuko Udalek osatzen duten elkarteak, adierazi zuen «sarri» agertzen direla hondakinak itsasertzeko eremu horretan. Aldizka, flysch-aren garbiketa-kanpainak antolatzen ditu elkarteak, bi helbururekin: garbitzea eta kontzientziazioa lantzea.
Arartekoak daukan informazioaren arabera, eremu horrek biotopo babestua osatzen du, Deba eta Zumaia bitarteko itsasertz zatian. Azaldutako arazoa kontuan hartuta, Zumaiako flysch-ean biotopo babestuaren erreserba-eremuan pilatuta dauden plastiko eta beste hondakin batzuk isurtzeari buruzko informazio zehatza bilatzen ari da aipatu erakundea.
Hori hala, ofiziozko jarduera bat hastea erabaki du Arartekoak: «Jakin nahi dugu administrazio eskudunek zer prozedura edo protokolo erabiltzen dituzten naturagune hori kudeatu eta mareen ekintzagatik Deba eta Zumaia arteko itsasertzean aldizka pilatzen diren isurketak prebenitu eta eragozteko».
![Raimundoelcanastero2022](/media/asset_publics/resources/001/051/685/article_thumb_horizontal/raimundoelcanastero2022.jpg)
UPN sigue forzando la máquina contra Raimundo el Canastero: cuatro citaciones más en Lizarra
![Exezarraga_eta_galdos](/media/asset_publics/resources/001/149/031/article_thumb_horizontal/exezarraga_eta_galdos.jpg)
Mueren dos montañeros guipuzcoanos, de 26 y 27 años, en el Mont Blanc
![0822_jaia_paya](/media/asset_publics/resources/001/148/369/article_thumb_horizontal/0822_jaia_paya.jpg)
El desembarco de Guggenheim Urdaibai bien vale una Campana
![Euskara-saria](/media/asset_publics/resources/001/148/691/article_thumb_horizontal/euskara-saria.jpg)
Hau Pittu Hau konpartsaren Euskara Saria jaso du Presoen Euskara Irakasle Taldeak
![Mani](/media/asset_publics/resources/001/149/003/article_thumb_horizontal/mani.jpg)