Txapelketa osoko partidarik borobilena jokatuta eskuratu dute Aimar Olaizola eta Jon Ander Albisuk Binakako sailkapeneko lehen postua, Elezkano II.a-Rezusta, iazko txapeldunordeak, txikituta.
22-11 irabazi dute Asegarcekoek baina kantxan izan den aldea are eta handiagoa izan da partidan zehar, 20-7koan urdinek izan duten erreakzio txikira arte.
Historia gutxiko partida motza izan da Bilbokoa, hasiera-hasieratik hartu baitute agintea gorriek. Atzean, defentsan aritzera behartu du Jon Ander Albisuk Beñat Rezusta eta aurrean Aimar Olaizolak izan dituen aukera ia guztiak bikain aprobetxatu ditu.
Partidak apenas izan du orekarik, 5-4tik 12-4ra joan baitira Asegarcekoak zuzenean. Aspekoek ez dute jokoaren erritmoa geratzen asmatu eta Elezkanori ere ikaragarri kostatu zaio partidan sartzea (19-6 eta 20-7).
Hortxe izan du Zaratamokoak susperralditxoa, baina markagailua pixka bat txukuntzeko baino ez die balio izan (22-11).
Sarduirenak «oso eroso dagoen baten hitzak» direla esan dute musika arloko dozenaka emakumek
Gatibu: «Haserrea guztiz ulertzen dugu, eta barkamena eskatzen dugu»
Seguridad investiga si el ertzaina que trabaja con Desokupa incurre en una incompatibilidad
Gasteiz retira banderolas con la Estrella de David del montaje del mercado medieval
