![Garoñako zentral nuklearra. (Juanan RUIZ/FOKU)](/media/asset_publics/resources/000/413/565/article_main_landscape/garon_a.jpg)
CSN Espainiako Segurtasun Nuklearreko Kontseiluaren agiriak aipatuz Arabako ‘Alea’k berri eman zuenez, iazko udan hiru istripu gertatu ziren Garoñako zentral nuklearra eraisteko lanetan eta, ondorioz, material erradiaktiboa isuri zen.
Zehazki, CSNk emandako informazioaren arabera, uztailaren 20an izan zen lehen istripua: eraikin batetik bestera mugitzen ari ziren iturri erradioaktibo bat lurrera erori eta berunezko ontzitik atera zen barruan zegoen zesio-137ko kapsula, hau babesten zuen beira ere apurtuta. Abuztuaren 2an 50 litro lokatz erradiaktibo isuri ziren eta, azkenik, 15 egun beranduago lokatz erradiaktiboa isuri zen berriro ere.
Mikel Otero EH Bilduko legebiltzarkideak azpimarratu du «onartezina» dela 2018ko udan izandako istripuei buruzko informazio hori 2019ko otsailera arte argitaratu ez izana.
«Kezkagarria eta salagarria da Garoñan egiten ari diren eraiste lanen inguruko gardentasunik eza», nabarmendu du Oterok.
Jazotakoaren harira, lanen inguruko jarraipena egiteko Lakuak, Arabako Aldundiak eta tokiko erakundeek 2017an sortutako batzordearen agerraldia eskatu du EH Bilduko legebiltzarkideak Parlamentuan.
Organo hura EH Bilduren ekimenez eratu zela adierazi duen arren, bere lana «guztiz ezbaian» dagoela azaldu du, haren jardunak ez duelako balio izan «opakutasunaren arazoa konpontzeko».
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)
Dos bestazales violentamente atacadas por defender a un hombre de una agresión
![Piratak](/media/asset_publics/resources/001/137/746/article_thumb_horizontal/piratak.jpg)
‘Belak mastara eta euskara plazara’ aldarriarekin ospatuko dute Donostiako Piratek Aste Nagusia
![Atristain](/media/asset_publics/resources/001/134/948/article_thumb_horizontal/Atristain.jpg)
El donostiarra Xabier Atristain queda en libertad condicional tras 13 años preso
![Keyframemugu](/media/asset_publics/resources/001/138/892/article_thumb_horizontal/keyframemugu.jpg)