![NAIZ Irratiaren seta Donostiako GARAren egoitzan.](/media/asset_publics/resources/000/594/754/article_main_landscape/hauteskundeak-naiz-irratia.jpg)
Eskaintza berria izango dute egunero irrati entzuleek astelehenetik aurrera. NAIZ Irratia pauso berri bat ematera doa bere sortze prozesuan eta hauteskunde kanpainaren jarraipen bereziak jarriko du abiapuntua. Astelehenetik aurrera egunero 19.00etan Udal eta Foru hauteskundeen jarraipenerako saio berezia eskainiko du eta hilaren 27tik aurrera eguerdiko beste magazin bat (12.00etan) gehituko zaio eskaintzari.
Modu horretan, maiatza amaitzerako NAIZ Irratiak egunero aktualitateari neurria hartzeko saio bana eskainiko ditu, 12.00etan eta 19.00etan. Informazioa eta analisia izango dute ardatz bi saio hauek, GARA eta NAIZen erredakzio osoaren inplikazioarekin, zuzenekotasunak izango du lehentasun osoa.
Informazio adarrari dagokioen jauzia da, beraz, NAIZ Irratiak maiatzaren amaieran emango duena baina aldi berean bestelako saioen eskaintza lantzen ari dira irrati berriaren erredakzioan eta laster espero dira saio berriak.
Hauteskunde gaua zuzenean
Bide honetan mugarri berezia maiatzaren 26ko gaua izango da. Hauteskunde gauaren jarraipen berezia eskainiko baitu NAIZ Irratiak, kasu honetan Hamaika Telebistarekin lankidetzan. 20.00etatik aurrera apustu berezia eskatu duen saioa eskainiko dute. Herrialde bakoitzeko informazio eta analisi zehatza eskainiko ditu kanpaina jarraitzen ari diren GARA eta NAIZeko kazetarien eskutik eta indar berezia jarriko du hainbat puntutan. Zuzeneko konexioak izango dira hainbat hiriburutatik eta alderdien egoitzetatik.
FMz entzuteko Bilbo ingurua 92.2, Urolan 91.8, Goierrin 102.2, Donostialdean 93.8, Leitza inguruan 95.1, Durangaldean 97.4 eta Gastezien 91.5. Internetez labur.eus/naiz-irratia.
![0908_eko_mecaner](/media/asset_publics/resources/001/152/879/article_thumb_horizontal/0908_eko_mecaner.jpg)
La lucha de GKN inspira el proceso de transición ecosocial en Mecaner
![Naiznandocruzh](/media/asset_publics/resources/001/153/253/article_thumb_horizontal/NAIZnandocruzH.jpeg)
«El capitalismo ha engullido los festivales con voracidad fulminante»
![Arnaldo](/media/asset_publics/resources/001/153/497/article_thumb_horizontal/arnaldo.png)
UPN coloca una pistola a Arnaldo Otegi en un fotomontaje y luego lo retira
![Apartamentos_pamplona](/media/asset_publics/resources/001/154/001/article_thumb_horizontal/apartamentos_pamplona.jpg)
EH Bildu, PSN, Geroa Bai y Contigo-Zurekin no permitirán más pisos turísticos en Alde Zaharra
![Vinicio](/media/asset_publics/resources/001/154/378/article_thumb_horizontal/vinicio.jpg)