Bulego berria ontzat ematearekin batera, lehendakari berria hautatzeko bozketa egin zuten, atzo arratsaldean, Lehuntzeko Errobi-Aturri lurralde poloan.
Ikasturte bukaerarekin Seaskako presidentetza utzi duen Paxkal Indo izan zen boto gehien jaso zuen hautagaia. 29 orotara. Enpresaren eremutik datorren Xabi Harispek (Pirinio Atlantikoetako Laborantza Ganbaran hautatua, La Republique en Marche alderdian engaiatu da) 12 boto eskuratu zituen.
Martxoan, Caroline Phillipsek presidente izateari utzi zion eta berarekin Françoise Pautrizel diruzaina eta haren laguntzaile Isabelle Charritonek ere kargua utzi zuten.
Zuzendaritza berriak azken hilabetetan izandako gorabeherak atzera utzi eta ibilbide berria finkatu beharko du, besteak beste Euskal Elkargoarekin harremanak gogoetatuz. Hala adierazi du Indok, denok batera aurrera egiteko deia eginez.
Euskarazko hezkuntzaren aldeko mozioa
Zuzendaritza berritzearekin batera, etorkizunari buruzko engaimendua hartu zuen Garapen Kontseiluak. Era berean, frantses gobernuak euskarazko hezkuntzaren aurka hartu duen norabidetik argiki aldenduz, ama eskolan, berdin zein sarean, murgiltze eredua bermatu behar dela galdetzen duen mozioa onartu zuen kontseiluak.
Bai ordutegi bai baliabideen aldetik euskarazko hezkuntzaren aldeko bultzada eskatzeaz gain, gutxitutako hizkuntzak babestuko dituen lege estatus berezitua eskatzen du adierazpen horretan Garapen Kontseiluak.
El portavoz del PNV en Getxo ocultó que estaba en el proyecto de lujo que derribó el palacete
Un hombre mata a Yaneli Gonzales, una mujer de 31 años, en el barrio bilbaino de Santutxu
El Ararteko toma cartas en Alde Zaharra ante la «inhibición» del Ayuntamiento de Donostia
«Egoera hori bizi izan dugunok motxila gainean daramagu, horrela ikasi dugu bizitzen»
