Zuberoa eta Behe Nafarroako hiru etapak gaindituta, EuskarAbentura gaur sartuko da Nafarroa Garaian. 46 kilometro bizkarrean, 121 neska mutilak autobusez helduko dira Auritzera. Orreagako kolegiata bisitatzeko aukera izango dute gaur eta Asisko Urmeneta izango dute lan honetan gidari.
Bihar bideari berrekingo diote Zubiri helmuga, eta, igandean sanferminak gertu-gertutik bizitzeko aukera izango dute Iruñeko kaleetan.
Uztailaren lehen egunean elkartu ziren parte hartzaileak Mauleko Jai Alai frontoian. Espedizioaren oinarriak azalduta, herria bisitatu eta Mitxel Etxebest auzapezak harrera egin zion espedizioari. Zuberoa eta Behe Nafarroa arteko mugan igaro zuten bigarren gaua, Pagola herrian.
Gaua dantzan bukatu ostean, Jutsira abiatu ziren hilaren 3an. Ipar Euskal Herri barnealdean bizi eta lan egiten duten hainbat lagunekin hizketan aritzeko aukera izan zuten gazteek bertan, tartean, Joana Hoki (Azia Elkarteko kidea), Kaiet Barberarena (Euskal Laborarien Batasuna sindikatuko partaidea), Joana Duhalde (Kanaldude Telebistako langilea), Jean Claude Aguerre (Pagolako pastoraleko kidea), Gexine Tikoipe (Gazi Gose katering enpresaren sortzailea) eta Leire Bidart (Lakarrako Ttinka haurtzaindegiko zuzendaria, Behe Nafarroako aurreneko haurtzaindegi euskalduna).
Atzoko etapa Donibane Garazi artekoa izan zen, Ipar Euskal Herriko azken etapa. Eguzki indartsua bidaide zutela osatu behar izan zuten 25 kilometroko ibilbidea. Bertan, Xan Aire Seaskako hizkuntza politika arduradunaren eta Garaziko Gaztetxeko gazteen konpainian ibili ziren karriketan gora eta behera.
Gaurkoan, Ibañetako portuan gora eta behera, Auritzera helduko da espedizioa. Orreagako kolegiata bisitatuko dute, bigarren urtez Asisko Urmeneta ilustrazailearekin batera. Bertan, Ana Ollo Nafarroako Gobernuko Herritarrekiko eta Administrazioekiko Harremanetako funtzioan den kontseilariak harrera egingo die parte hartzaileei.
Sorginaritzagako basoan barrena oinez bueltatuko dira Auritzera ibaiko zaborra jasotzeko auzolana egiteko. Zaborraren kudeaketa gai garrantzitsua da espedizioarentzat eta egunero sortutako zaborraren neurketa egiten ari dira, sortzen dituzten hondakinen jabe izateko.
![Acdc](/media/asset_publics/resources/001/145/041/article_thumb_horizontal/ACDC.jpg)
AC/DC: El origen de una leyenda contada desde los márgenes
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)