Aldana Tabernan izandako atentatuaren biktimak gogoratu eta euren familiei babesa eman diete astelehen honetan, Alonsotegin. Ekitaldia 19.00etan hasi da San Bartolome Elizan eta, ondoren, lore eskaintza egin dute herriko muralen aurrean.
Joseba Urbieta udalerriko alkateak oroigarria eman die atentatuan hil ziren Manuel Santacolomaren, Liborio Aranaren, Mari Paz Ariñoren eta Pacifico Ficaren senideei eta Aldana tabernaren jabeak ziren Garbi Zarateren eta José Ángel Gonzálezen senideei ere.
Bere hitzaldian Urbietak azpimarratu duenez, gertatutakoa «ekintza terrorista krudela, koldarra eta kupida bakoa» izan zen. Bere iritziz, «ezabatu ezin daitekeen aztarna» utzi zuen gertakariak eta, gehitu duenez, «Alonsotetik ez du inoiz ahaztuko gertatutakoa, eta ez ditu inoiz bakarrik utziko inork jasan beharko ez lukeena jasan zuten biktimak. Beti zuen ondoan egongo den herria daukazue hemen».
Gainera, «hilketa koldar haiengatik» inork ez duela ordaindu gogorarazi du. «Biktimek eta euren senideek ez dute inoiz justiziarik izango gutxienez atentatu haren arduradunak identifikatu eta erantzukizunak garbitzen diren arte. Bere burua errespetatzen ez duen herri batek baino ezin duelako onartu horrelako gertakari ikaragarria ondorio barik geratzerik», nabarmendu du.
Ekitaldiak bultzada instituzional eta politiko garrantzitsua izan du. Beste batzuen artean, bertan egon dira: Iñigo Urkullu lehendakaria, Bizkaiko Batzar Nagusietako presidente Ana Otadui, Enplegu eta Gizarte Politiketako sailburu Beatriz Artolazabal, Kultura eta Hizkuntza Politikako sailburu Bingen Zupiria eta Iraunkortasuna eta Ingurune Naturala Zaintzeko foru diputatu Elena Unzueta.
Beste indar politiko batzuetako ordezkariak ere izan dira gaur Alonsotegin. Julen Arzuaga EH Bilduko parlamentariak sare sozialetan zabaldu du bertan egindako gerra zikinaren salaketa.
Alonsotegin, GANE estatuko talde terroristak #Aldana tabernaren kontra burututako sarraskiaren oroimenean.
— Julen Arzuaga (@julenaretakoa) January 20, 2020
Liborio Arana, Manuel Santacoloma, Pacífico Fika eta Mª Paz Ariño biktimek, 40 urte ostean, inpunitatean jarraitzen dute. #justizia pic.twitter.com/rlRUuLbfat
«Tenemos 58 personas saliendo de prisión cada día, hay que fortalecer Harrera»
El caso Cabacas, «insuficientemente clarificado» según el memorial inaugurado en Bilbo
Muguruza lleva ‘Sarri Sarri’ a Martutene 39 años después de la fuga que la inspiró
Jone Goirizelaia, abogada de Cabacas, espera que se corrija el error del memorial
