Liher taldeko Lide Hernandok emakume musikariak batu dituen ekimen bat hasi du sare sozialen bitartez. Berak Koban taldeko ‘Klimax gaiztoa’ kantaren bertsioa egin zuen, eta egun hauetan sare sozialetan hain zabalduta dauden erronken moduan, talde horrek beste musikari baten kanta bat bertsionatu behar zuen #EmakumeKatea traola erabiliz.
#EMAKUMEKATEA
— Liher (@Liherband) March 29, 2020
Emakumeok* oholtzara etxean ere bai!
Ba konfinamenduak zerbait ona badu, hori denbora librea da, eta ekimen hau egitea bururatu zaigu: emakumeak* partaide dituzten talde/artisten artean bertsio kate bat egitea. Guk Koban kuttunak hautatu ...
⚡@AyukenMP pic.twitter.com/FqNnfJeYqQ
Kobanekoek Olatz Salvadoren ‘Korapilatzen’ hautatu zuen, eta honek Mor Moreren ‘Instanteak’. Mor Morekoen eskutan dago orain pilota. Zein emakume musikariren kanta aukeratuko dute zarauztarrek?
Erronka hau bezalaxe, sare sozialetan modan jarri dira emakume ederrei –denak ederrak direnaren ideiari sendo eutsiz– euren txuri-beltzeko argazkia jartzearena, txikitako argazkia argitaratzearena edota mahai bati buelta ematearena (ez inguruan, baizik eta gainetik pasatu ondoren azpitik zintzilik geratzeko).
Agian datozen egunetan #EmakumeKatea izango da Facebook, Twitter eta Instagram musikaz beteko duen erronka berria.
Pradales invita a Muguruza a un debate «honesto» tras la polémica por su actuación en Martutene
Alex Txikon regresa al Himalaya con el objetivo de hollar la cima del Annapurna en invierno
Asiron confía en alcanzar el máximo consenso en torno a Los Caídos pese a las discrepancias
Suspenden el Maratón de Donostia por las fuertes rachas de viento
