Nekane Murga Lakuako Osasun sailburuak adierazi duenez EAEk koronabirus bidezko 4 heriotza berri izan ditu azken orduetan, eta horrek koronabirusaren pandemia hasi zenetik hildako pertsonen guztizko kopurua 1.458ra igo du. PCR bidez baieztatutako kutsatze berrien kopurua, berriz 16koa, Murgaren arabera.

Espainiar Estatuko Osasun Ministerioaren datuen arabera, aldiz, 35 PCR positibo berri eman dira EAEn. Deigarria da bi erakundeen datuen arteko aldea, baina ez da gertatzen den lehen aldia.

Osasun Ministerioak dioenez, pandemia hasi zenetik 13.291 pertsona kutsatu dira guztira, PCR proben arabera. Ospitaleratzea behar izan duten koronabirus kasuak 7.011ra igo dira, bi kasu berri erregistratu ondoren. ZIU behar izan duten pertsonak 578 dira, ez baita kasu berririk zenbatu.

Nafarroa

Nafarroak beste heriotza bat erregistratu du azken 24 orduetan, guztira 501era igoz hildakoen kopurua. Positiboei dagokionez, 21 PCR kasu berri erregistratu ditu, hau da,% 0,41eko igoera. Guztira 5.137 PCR kasu eman dira koronabirusaren pandemia hasi zenetik.

Bestalde, pandemia hasi zenetik, 3.658 pertsona sendatu dira dagoeneko, 108 azken egunean. Horrela, hildako eta sendatu gabeko kasu aktiboak 4.076 dira orain izan dira, aurreko zenbaketan baino 44 pertsona gehiago, Nafarroako Gobernuaren datuen arabera.

Nafarroako Gobernunaren datuen arabera 3.952 pertsona ohiko bizilekuan daude gaur egun segimenduan (47 gehiago). 124 pertsona daude ospitaletan, horietatik 17 Zainketa Intentsiboetako Unitateetan (ZIU), aurreko zenbaketan baino hiru gutxiago.

Ipar Euskal Herrian guztira 10 hildako konfirmatu dira dagoeneko.