![Olatz Arrizabalaga, Gentzane Aldai eta Leire Garai, binakako azken finalean (Gorka RUBIO / FOKU)](/media/asset_publics/resources/000/748/160/article_main_landscape/emakume.jpg)
Nafarroako eta Errioxako pilotariek euren herrialdeetatik irten ezinda zeudenez, eta beste zenbait euren etxeetan bakarturik, Lau eta Erdiko Laboral Kutxa Emakume Master Cup txapelketa bertan behera utzi behar izan zuen antolakuntzak.
Baina emakume pilotariei jokatzen jarraitzeko aukera emate aldera, binakako txapelketa malgu eta alternatibo batek beteko du datozen asteetan kaiolak utzitako hutsunea.
Txapelketa pilota mistoarekin jokatuko da, eta Lakuako Osasun sailaren oniritzia jasota, asteburu honetan ekingo zaio Guardian eta Legution abenduaren 20ra arte luzatuko den txapelketa honi.
Bidean sor daitezkeen oztopoei irtenbideak errazago eman ahal izateko, hasiera batean irekia zen txapelketa gonbidapen bidezko lehiaketa bihurtu da eta buruz buruko norgehiagoka binakakoa, edozein positibo edo bakartze neurriren aurrean ordezkapenak errazago moldatu ahal izateko.
Denera, bi multzotan banatutako zortzi bikotek, 16 pilotarik, hartuko dute parte. Andrea Aldaregia (Latasa)-Olatz Ruiz de Larramendi (Eulate), Patri Espinar (Usansolo)-Naroa Agirre (Arroa), Olatz Arriabalaga (Gernika)-Ane Urkizu (Berastegi) eta Iera Agirre (Leitza)-Arrate Bergara (Bergara) arituko dira A multzoan.
Leire Garai (Gasteiz)-Gentzane Aldai (Orozko), Miren Larrarte (Bidania)-Nora Mendizabal (Andoain), Ainhoa Ruiz de Infante (Otxandio)-Miriam Arrillaga (Aginaga) eta Amaia Aldai (Dima)-Oihana Orbegozo (Azpeitia) izango dira B taldea osatuko duten bikoteak.
Multzo bakoitzeko lehen bi bikote sailkatuek finalerdiak jokatuko dituzte abenduaren 6an eta, ondo bidean, finala abenduaren 20rako iragarrita dago, Arrigorriagan.
Txapelketa asteuburu honetan hasiko da. Larunbatean Guardian, 18.00tan hasita, Aldaregia-Ruiz de Larramendi / Espinar-Agirre eta Iera Agirre-Bergara / Arrizabalaga-Urkizu partidak jokatuko dira. Igandeko jaialdia, aldiz, Legution izango da, ETB-1eko kamerak zuzenean direla, 12.00etatik aurrera. Garai-Aldai / Ruiz de Infante-Arrillaga eta Larrarte-Mendizabal / Amaia Aldai-Oihana Orbegozo izango dira jokatuko diren partidak.
![Itunougarte](/media/asset_publics/resources/001/148/694/article_thumb_horizontal/itunougarte.jpg)
«Gustura onartu dut erronka; hori ere badelako, ordainsariak dituen erronka bat»
![Mani](/media/asset_publics/resources/001/149/003/article_thumb_horizontal/mani.jpg)
Bilbo reivindica en ambiente festivo que la vuelta a casa de los presos sea una realidad
![Captura_de_pantalla_2024-08-25_a_las_14.19.11](/media/asset_publics/resources/001/149/394/article_thumb_horizontal/Captura_de_pantalla_2024-08-25_a_las_14.19.11.png)
Tres corzos se ceban con Euskaltel-Euskadi: tiran a Juaristi y saltan sobre el coche del equipo
Marijaia pone punto final a una Aste Nagusia con 1,6 millones de visitantes
![Gv2uicaxqaafjdz](/media/asset_publics/resources/001/149/592/article_thumb_horizontal/GV2UiCaXQAAfJdZ.jpg)