![Osasun-langileek koronabirus probak hartzen Shijiazhuangen. (STR/AFP).](/media/asset_publics/resources/000/764/045/article_main_landscape/Shijiazhuang.jpg)
Txinako Gobernuak Shijiazhuang ipar-ekialdeko hiria ixtea erabaki du, azken orduetan 117 koronabirus kasu atzeman ostean. 11 milioi pertsona ezin izango dira hiritik atera, eta Gaocheng barrutikoek, modu berean, ezin izango dute bertatik atera.
Azken bost egunetan konfirmatutako 83 kasu eta sintomarik gabeko 148 kasu zenbatu dituzte hirian. Pekin inguratzen duen Hebei probintziako hiriburua den hiri horretako kutsatze berrien kopuruek azken bost hilabeteetako positibo maila gorenera eraman dute Txina.
Azken orduetan positibo eman duten hiru pertsona hiriko hainbat lekutan ospatu diren ezkontzetan izan dira, eta bat herriko ikastetxe bateko ikaslea da.
Arrisku handikoa den Gaocheng barrutiko eremutik bost kilometrora dagoen nazioarteko aireportuak sarrera hegaldien %84 eta irteera hegaldien %81 bertan behera utzi ditu. Tren geltokiak eta hiriko distantzia luzeko autobus geltokiko operazioak ere aldi baterako itxi dituzte. Halaber, Shijiazhuang eta Pekin lotzen dituen hamar autobideko zirkulazioa eten egin dute.
Haurtzaindegietan eta lehen eta bigarren hezkuntzako eskoletan aurrez aurreko klaseak bertan behera utzi dituzte asteazkenetik, CCTV telebista kateak jakitera eman duenez.
Honekin lotuta, Gaochengeko hiru funtzionario, gobernadoreordea eta barrutiko larrialdietako departamentuko zuzendariordea barne, kargutik kendu dituzte, lan antiepidemikoan zituzten betebeharrak bete ez zituztelakoan, Global Times egunkariaren arabera.
Ostegun honetan argitaratutako azken zenbaketaren arabera, Txina kontinentalean 485 pertsona koronabirusagatik kutsatuta daude gaur egun, eta horietatik 13 larri daude.
![Bayesian](/media/asset_publics/resources/001/148/137/article_thumb_horizontal/bayesian.jpg)
¿Quién es Mike Lynch? Las «vacaciones corporativas» trágicas del «Bill Gates británico»
![Raimundoelcanastero2022](/media/asset_publics/resources/001/051/685/article_thumb_horizontal/raimundoelcanastero2022.jpg)
UPN sigue forzando la máquina contra Raimundo el Canastero: cuatro citaciones más en Lizarra
![Exezarraga_eta_galdos](/media/asset_publics/resources/001/149/031/article_thumb_horizontal/exezarraga_eta_galdos.jpg)
Mueren dos montañeros guipuzcoanos, de 26 y 27 años, en el Mont Blanc
![0822_jaia_paya](/media/asset_publics/resources/001/148/369/article_thumb_horizontal/0822_jaia_paya.jpg)
El desembarco de Guggenheim Urdaibai bien vale una Campana
![Mani](/media/asset_publics/resources/001/149/003/article_thumb_horizontal/mani.jpg)