![Artola, aurreko igandeko partidan pilotara iristeko ahaleginetan. (Aritz LOIOLA/FOKU)](/media/asset_publics/resources/000/765/409/article_main_landscape/In%CC%83aki-Artola-pilota.jpg)
Atzo astelehena egindako proba medikoen arabera, Iñaki Artolak zuntz haustura du eskuin izterreko bizeps femoralean. Hala adierazi du bere enpresak, Baikok, prentsa ohar baten bidez.
Alegiarra Urrutikoetxea eta Imazen aurkako partidan lesionatu zen iragan igandean. Lehia hamaseina zela, partida guztiko lehen berdinketan, Urrutikoetxeak txokoan utzitako pilota baten bila abiatzerik ere ez zuen izan aurrelari gipuzkoarrak iskiotibialetan mina sentitu ostean.
Aldageletan Iñigo Simon medikuak gunea berotu eta kantxara itzuli zen Iñaki Artola, baina beste tanto bat baino ez zuen jokatzerik izan, mina handia zelako eta lesioa larriagoa egiteko aukera handia zelako.
Gauzak hala, zuntz haustura sendatzeko eta pilotalekuetara lehenbailehen itzultzeko, fisioterapia tratamendua hasiko du aurrelariak.
Ostiralean Zornotzan jokatu beharreko partidarako bere ordezkoa ere iragarri du Baikok: Oinatz Bengoetxea.
Gogoratu behar da Oinatz Bengoetxea –eta Iker Irribarria–, buruz buru txapeldun izandako bi pilotari, txapelketatik kanpo geratu zirela. Leitzarraren kasuan, gainera, oso deigarria izan zen, bere azken txapelketa izan zitekeela kontuan izanda.
Binakakoaren aurkezpenean gaiaz galdetuta, Unai Iglesias, Baikoko ordezkariak esan zuenez, «erabakian kirol ikuspegia hartu dugu bakarrik kontuan. Erabaki zaila izan da, azken unera arte zalantzak izan ditugu, baina arinago edo beranduago gazteei aukera eman behar zaie».
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Naizxalbador](/media/asset_publics/resources/001/135/773/article_thumb_horizontal/NAIZxalbador.jpg)
AEBetako Glitterfox taldeak euskaraz eta disco ukituarekin grabatu du ‘Xalbadorren heriotzean’
![Encierro4](/media/asset_publics/resources/001/136/243/article_thumb_horizontal/encierro4.jpg)
Casi cuatro toneladas de Miura y dos tremendas embestidas en Mercaderes y la curva
![Indurain-villavesa2](/media/asset_publics/resources/001/136/510/article_thumb_horizontal/indurain-villavesa2.jpg)
Casi todos los incidentes imaginables se suceden en un encierro de la villavesa lento e irreal
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)