Donostiako Bulebarrean eginiko agerraldi batean, urtarrilaren 30aren bueltan ahalik eta herri, auzo, ikastetxe eta lantegi gehienetara larrialdi klimatikoaz ohartarazteko ekintzak sustatzeko asmoa duen Aldaketaldiaren berri eman du Larreko Mahaiak.
Larrialdi ekologikoarekin kezkatuta dauden eragile sozial eta sindikalen elkargunea da Larreko Mahaia, 2019ko udazkenean sortu zutena.
Prentsaurrekoan azaldu dutenez, «agintari politikoek, orain pandemiaren aitzakian, eredu ekonomiko eta sozial jasanezinean sakondu eta larrialdi-egoera areagotzen jarraitzen duten honetan, beharrezkoa da norabide aldaketa sakona exijitu eta trantsizio ekologiko eta sozialki justu baten alde urratsak emango dituen jendartea aktibatu eta saretzea». Zentzu horretan, «euskal gizarte aktibo eta saretu»rik ezean, aldaketa hori gauzatuko ez dela ohartarazi dute.
Hori dela-eta, urtarrilaren 30ean, edota aurreko zein ondorengo egunetan, larrialdi ekologikoari lotutako salaketa- eta aldarrikapen-ekintzak egitea proposatzen dute, hala nola, hitzaldiak, elkarretaratzeak, bizikleta-martxak, kostaldean edo ibaietan plastiko-bilketak, zuhaitzak landatzea edota proiektu erraldoiren batek mehatxatutako natur guneetan ibilaldiak.
Otsailaren 6an Zaldibarko zabortegia amildu zeneko urteurrena dela aintzat hartuta, Aldaketaldiaren bitartez hori gizarteratzen ere lagundu nahi dute, bertan jazo zenarekin «argi geratu naita Euskal Herrian, ingurumen alorrean, gauzak ez direla ondo egin eta ez direla ondo egiten ari».
Ekimenak 20 herri baino gehiagotan
Aldaketaldi horren harira, Gipuzkoako hogei herri baino gehiagotan ekimenak antolatu dituztela zehaztu dute, tartean hilaren 30ean bertan Donostian egingo den manifestazio bateratua, 17.00etan Gladys Enetik atera eta Bulebarrean bukatuko dena.
Horrez gain, hainbat herritan ekintzak antolatzeko lanean jarraitzen dutela adierazi dute (Oñatin, Mutrikun, Irunen eta Zarautzen, besteak beste) eta, Aldaketaldia Gipuzkoatik kanpo izaten ari den harrerari dagokionean, jakinarazi dute beste herri edo eskualde batzuetan ere ekimenak egingo dituztela, tartean Gasteiz, Bilbo, Arratia, Galdakao, Uribe-Kosta, Mungia, Morga edo Ondarroan.
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Lur](/media/asset_publics/resources/001/146/783/article_thumb_horizontal/lur.jpg)
Konexioa ezarri dute Lur-1ekin, orbitan jarri duten «lehen euskal satelitearekin»
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)
Itziar Ituño inaugura la fiesta apelando al alma del Bilbo abierto, solidario y libre
![0807_eh_txominenea](/media/asset_publics/resources/001/143/842/article_thumb_horizontal/0807_eh_TxominEnea.jpg)