![Larunbat honetan Bilbon egindako protesta. (OOE)](/media/asset_publics/resources/000/772/277/article_main_landscape/duintasunaren-martxa-bilbo.jpg)
Zazpi urte igaro dira 2014ko otsailaren 6an Ceutako Tarajalgo hondartzan 15 lagun hil zirenetik, Maroko Ceutagandik banantzen duen dikea saihestu eta Estatu espainiarreko lurretara iristeko saiakeran, itota. Duintasunaren Aldeko VIII Martxak mobilizazioak antolatu ditu Estatu osoan zehar zazpi urtez luzatu den «bidegabekeria» salatzeko, eta ostiralean Gasteizen egin zuten elkarretaratzeari segida emanez, larunbat honetan Donostian, Bilbon eta Iruñean ere izan dira protestak.
«Zazpi urteko auziaren ondoren, egungo egoera ez da batere itxaropentsua. 2020ko uztailaren 27an, Cadizko Probintzia Auzitegiak largespen librea agindu zuen, ikertutako guardia zibilek ez zutela deliturik egin adierazten duen arrazoiaren artxiboa. Beraz, epaitu gabe askatzen ditu. Auzitegi Gorenean ebatzi beharreko erabaki horren aurkako errekurtsoa tramitatzeko dago oraindik», gogorarazi dute Bilboko mobilizazioan.
Salatu dute halaber, oraindik ere «aurpegi gabeko hildakoak, izenik gabeko hilobiak, justiziarik gabeko biktimak eta eskubiderik gabeko mugak» daudela, izan ere, 2020an . «mugako kontrola gogortu eta Europaren heriotza-politika sendoaren kontura, gero eta jende gehiagok galtzen du bizia lurraldera iritsi nahian».
Caminando Fronteras elkartearen txostena aipatuz, ohartarazi dute Estatu espainiarrera sartzeko bideetan 2.170 pertsona hiltzen direla baina, gainera, biktimen %95 itsasoan desagertzen dela, gorpuak berreskuratu gabe.
«Legez kanpoko immigrazioaren aurkako borroka finantzatzen duen makineria politiko guztia betikotzen jarraitzen dugu. Fernando-Grande Marlaskaren agindupean, Maroko, Mauritania, Senegal eta beste herrialde batzuetako kostaldeko guardietarako eta mugako poliziarentzako aurrekontu-partidak hirukoiztu egin dira. Migrazio-fluxuei eusteko ahalegin horiek beste bide hilgarriago batzuetara desbideratu besterik ez dute egin, hala nola Kanarietara. Ibilbide konplexuagoa, garestiagoa eta arriskutsuagoa da, eta gero eta urrutiago daude itsasoratzeko lekuak (Ganba, Senegal eta Mauritania)», salatu dute.
Horregatik guztiagatik, «Mediterraneoa eta Atlantikoa munduko hobi komun handiena bihurtu dituzten heriotza-politikak» gogor gaitzetsi dituzte; baita Ceutan eta Melillan 10 metroko hesia eraiki izana ere, eta Tarajalen hil zirenendako eta bestelako mugetako biktimei justizia ematen dien konponketa- eta oroimen-prozesua egitea galdegin dute.
Beroko itzulketak «pertsonen duintasunaren aurkako gizalegerik gabeko jokaerak» direla berresan dute, nola azken hilabeteetan berriro ekin zaien kanporatze-hegaldiei, gehienak Maroko, Mauritania eta Senegalera doazenak.
«Gizarteari interpelatzen diogu, jarrera arrazista eta xenofoboekin, pertsona migratzaileen aurkako gorroto-diskurtsoa erreproduzitzen duela, gaitzespena sustatzen duela eta desberdintasunak elikatzen dituela», ohartarazi dute.
Atzerritartasun legea
Atzerritartasunari buruzko egungo legea, eta horrek dakarren guztia, Atzerritarren Barneratze Zentroak kasu, gaitzetsi dituzte larunbatean Bilbon. Lege hau indargabetzea eta zirkulazio librerako eskubidea bermatzeko bide seguruak sustatzea galdegin diete instituzioei.
Zehazki, Bilbon, Lakuari, Foru Aldundiei, Udalei eta euskal erakunde publiko guztiei bidezko politikak bultzatzea eskatu diete.
![Raimundoelcanastero2022](/media/asset_publics/resources/001/051/685/article_thumb_horizontal/raimundoelcanastero2022.jpg)
UPN sigue forzando la máquina contra Raimundo el Canastero: cuatro citaciones más en Lizarra
![Exezarraga_eta_galdos](/media/asset_publics/resources/001/149/031/article_thumb_horizontal/exezarraga_eta_galdos.jpg)
Mueren dos montañeros guipuzcoanos, de 26 y 27 años, en el Mont Blanc
![0822_jaia_paya](/media/asset_publics/resources/001/148/369/article_thumb_horizontal/0822_jaia_paya.jpg)
El desembarco de Guggenheim Urdaibai bien vale una Campana
![Euskara-saria](/media/asset_publics/resources/001/148/691/article_thumb_horizontal/euskara-saria.jpg)
Hau Pittu Hau konpartsaren Euskara Saria jaso du Presoen Euskara Irakasle Taldeak
![Mani](/media/asset_publics/resources/001/149/003/article_thumb_horizontal/mani.jpg)