Produktu ekologikoen, bioeraikuntzaren, energia berriztagarriaren eta kontsumo arduratsuaren Bioterra azoka ohiko egunetara itzuliko da aurten, ekainaren 4tik 6ra bitartean, Irungo Ficoba gunean, ekonomia zirkularrari zuzendutako edizio batekin.
Azokak 2020an datak aldatu zituen, pandemia bitarte, eta urriaren 9tik 12ra antolatu zen. Baina aurten ekainaren hasieran izango da, aurreko edizioetan ohikoa izan den bezala, antolatzaileek ohar baten bidez jakitera eman dutenez.
Bioterrak azaldu duenez, ekonomia zirkularrari arreta berezia eskainiko diote 2021 honetako edizioan. Izan ere, «Bbztanleriak eta kontsumoak orain arte bezala hazten jarraitzen badute, 2050ean hiru Lur planeta beharko dira gizateriak bizirik irauteko».
Bilibin Circular, ekonomia zirkularrean espezializatutako aholkularitza-enpresa bat, azokaren batzorde antolatzailean sartu da, eta bertan ariko da beste erakunde batzuekin batera: Ekolurra (Euskadiko Nekazaritza eta Elikadura Ekologikoaren Kontseilua), GEA (Azterketa Geobiologikoen Elkartea), BLE (Iparraldeko Nekazari Ekologikoen Elkartea), Gipuzkoako Foru Aldundia, Zuhaizpe (Vital Osasun Zentroa), Nasei, Euskal Herriko Arkitektoen Elkargo Ofiziala eta Arkmonia (Arkitektura Azterlana).
Konexioa ezarri dute Lur-1ekin, orbitan jarri duten «lehen euskal satelitearekin»
La Policía Municipal de Bilbo retira pancartas y banderas palestinas; al menos 4 identificados
Itziar Ituño inaugura la fiesta apelando al alma del Bilbo abierto, solidario y libre
Detienen a un ertzaina en Donostia acusado de intentar matar a su mujer con un cuchillo
