42. greba egunean, Tubacexeko langileak ordubetez elkartu dira asteazken honetan Bilboko Burtsaren parean, enpresak planteatutako kaleratzeak gaitzesteko. Zuzendaritzak ostegun honetan batzordeari deitu dio Aldi baterako Enplegu Erregulaziorako Espedientearen (ERTE) berri emateko, langile-batzordearen iturriek Europa Press berri agentziari jakinarazi diotenez.
Hodiak ekoizten dituen enpresako langileak greba mugagabean daude, Tubacexek bere TTI eta Aceralava instalazioetarako proposatu duen pertsonal murrizketaren ondorioz. 129 langile kaleratzeko asmoa daukate, horietako 95 despidoen bidez, 22 sustatutako baja bidez eta 12 aurre-erretiratzea eginda.
Enplegu Erregulazio Espediente (ERE) horretaz gain, zuzendaritzak aurreratu zuen gainerako langileentzat ere ERTE bat planteatzeko asmoa zuela, lan-karga txikia duela argudiatuta. Batzordeko iturriek esan dute zuzendaritzak ostegun honetan deitu diela aldi baterako laneko espediente horren xehetasunak jakinarazteko.
Protesta goizeko hamaiketan hasi da, eta langileak Tubacexeko lan-arropa jantzita joan dira, azkenengo mobilizazioetan egin duten legez. Tubacexek Burtsan kotizatzen du, hori dela eta, protesta leku horretara eramatea erabaki dute, Bilbon ere borroka «ikusarazteko».
"ERErik ez" irakur zitekeen pankarta zeramaten langileek salatu dute ez dela ulertzen greban 42 egun daramatzaten arren enpresaren akzioak «igotzen jarraitzea».
Hoy llevamos nuestra protesta al edificio de la #bolsadeBilbao.
— TUBACEXenLUCHA (@tubace_xen) March 24, 2021
No se entiende que llevemos 42 días de huelga y las acciones de #Tubacex vayan subiendo.#Tubacexborrokan#NoSobraNadie pic.twitter.com/X1jd9jW4Pf
Asteazken honetako protestaz gain, martxoaren 26an, TTI eta Aceralavako batzordeak beste protesta egun bat deitu dute. Bertan errebindikazio-kalejira egingo da Laudioko instalaziotik 11.30etatik aurrera.
Gainera, errelebo txanda bakoitzean, Laudioko eta Amurrioko instalazioetako eguneroko elkarretaratzeekin jarraituko, 5.00etatik 11.00etara, 11.00etatik 17.00etara eta 17.00etatik 23.00etara.
Herida de gravedad una joven al caer a las rocas desde el muelle de Donostia
Konexioa ezarri dute Lur-1ekin, orbitan jarri duten «lehen euskal satelitearekin»
La Policía Municipal de Bilbo retira pancartas y banderas palestinas; al menos 4 identificados
Itziar Ituño inaugura la fiesta apelando al alma del Bilbo abierto, solidario y libre
