Kolpe gogorra jaso zuen larunbatean Alavesek, Eibarren kontra galdu ostean (3-0). Babazorroek bolada bikaina zeramatzaten eta jaitsiera postuetatik aldentzea lortu zuten, baina Ipuruan jasotako porrotak eskalada moteldu du.
Javier Callejak atsedena eman zien astelehenean jokalariei eta astearte honetan bueltatu dira lanera Ibaiara. Bertan albiste ona jaso dute gasteiztarrek; izan ere, Facundo Pellistrik eta Ruben Duartek lan saioaren zati bat osatu baitute. Ely, Cordoba, Burgui eta Javi Lopez zaurituak, aldiz, ez dira egon Ibaian.
Bi jokalariak berreskurapen prozesua jarraitzen ari dira eta gaur entrenamenduaren hasiera tarte bat osatu dute. Erdilari uruguaiarrak ezin izan du minutu bat jokatu Calleja babazorroen aulkira iritsi zenetik, gihar-mina izan baitu ezkerreko izterran.
Hala, Pellistrik ezin izan zuen Athleticen aurka jokatu. Huesca eta Vila-realen kontrako partidetan bueltatu zen, baina berriro nabaritu zuen mina eta ezin izan zen Valentzia eta Eibarren kontra aritu.
La recuperación de @FPellistri07 sigue por buen camino ⚡️
— Deportivo Alavés (@Alaves) May 4, 2021
LOADING [ █ █ █ █ █ █ █ ]#GoazenGlorioso 力 pic.twitter.com/P2ap80JkWi
Bestalde, Ruben Duarte Huescaren aurkako partidan, atsedenaldian hain zuzen ere, aldatu behar izan zuen Callejak, oinean zuen minagatik. Almeriarra hiru partida egon da jokatu ezinik, eta orain Levanteren aurka berragertu daiteke.
Atzoko atseden egunaren ostean, harrobiko Eneko Ortiz, Hugo Perez eta Robert Vallribera aritu dira lehen taldearekin.
«Tenemos 58 personas saliendo de prisión cada día, hay que fortalecer Harrera»
Otro 20N las víctimas de la violencia del Estado interpelan a sus responsables políticos
Pradales invita a Muguruza a un debate «honesto» tras la polémica por su actuación en Martutene
Alex Txikon regresa al Himalaya con el objetivo de hollar la cima del Annapurna en invierno
