![Etiopia iparraldetik ihes egindako zenbait herritar elikagaiak hartzen kamioi batetik. (Eduardo SOTERAS/AFP)](/media/asset_publics/resources/000/829/091/article_main_landscape/tigray-gosea.jpg)
Ia zazpi milioi pertsona «gose-krisian» daude Etiopian Tigrayko gerraren ondorioz. Eskualde honen mugakide diren Afar eta Amhara eskualdeetara zabaldu da krisia, astearte honetan NBEren Elikagaien Mundu Programak (PMU) ohartarazi duenez. Arazo hau konpontzeko diru gehiago eskatu du erakundeak.
Addis Abebatik bidalitako jakinarazpen batean, PMUk adierazi du elikagaien bermeak okerrera egin duela Tigrayn, 5,2 milioi pertsonak «premia larriak» baitituzte.
NBEko organismoaren eta haren bazkideek Etiopiara bideratu zituzten elikagaiak ia erabat agortu ziren astelehen honetarako. Egun horretan elikagaiak banatu zituen konboi batek, bi aste baino gehiagoren ostean herrialdean sartu zen lehena.
Konboia, PMAk zuzendua, ehun kamioik baino gehiagok osatzen zuten eta 3.500 tona elikagai banatu zituen, erregaia eta osasun eta babes materialaz gain.
Aurreko astean, Gizarte Gaiak Koordinatzeko NBEren Bulegoak (OCHA) ohartarazi zuen Tigrayrako sarbidea oso «mugatuta» zegoela, eta eskualdeak «laguntza humanitarioa blokeatuta» zuela.
«PMAk eskerrak eman nahi dizkie Afarko agintari federal eta lokalei, gure konboia azkenean Tigrayra iritsiko zela bermatzeko», esan du Michael Dunford Ekialdeko Afrikako PMAko zuzendari erregionalak.
«Baina askoz gehiago behar da –azpimarratu du Dunford-ek–, eta eutsi egin behar zaio bultzada honi. Bestela, ezin dugu behar adina elikagai eman milioika pertsonaren gosea ekiditeko».
Azaroan hasi zen gatazkaren ondorioz, 1,7 milioi pertsona inguru gose-arriskuan daude Afar eta Amhara eskualdeetan.
«Etiopiako iparraldeko milioika pertsonari denbora agortzen ari zaie, eta funts osagarririk berehala lortzen ez baditugu, errazioak murriztera edo, are okerrago, banaketak gelditzera behartuta egongo gara», ohartarazi du Dunfordek.
13,6 milioi elikadura bermerik gabe
Herrialdearen iparraldeko eskualdeetaz gain, Etiopia osoko milioika pertsonaren elikadura segurtasuna arriskuan dago, PMAk herrialdean egiten dituen eskuhartzeetarako aurrekaririk gabeko finantziazio defizita dela eta.
Etiopian, NBEren arabera, 13,6 milioi pertsonak baino gehiagok ez du elikadura segurtasunik, lehortearen, uholdeen, basamortuko otarrainen inbasioen, elikagaien prezio handien eta covid-19aren pandemiaren ondorioz.
Egoera horren aurrean, PMAk 426 milioi dolar gehiago eskatu ditu hurrengo sei hilabeteetan Etiopian elikadura bermatzeko.
Gobernu zentralaren eta Tigrayren arteko gerra joan den azaroaren 4an hasi zen, Etiopiako lehen ministroak, Abiy Ahmedek, Tigrayko Askapenerako Fronte Popularraren (FPLT) aurkako erasoa egin zuenean.
![Echavarri](/media/asset_publics/resources/001/151/291/article_thumb_horizontal/echavarri.jpg)
Nueva dimisión en las filas de UPN: María Echávarri deja de ser concejala en Iruñea
![0901_eg_ventila](/media/asset_publics/resources/001/151/351/article_thumb_horizontal/0901_EG_Ventila.jpg)
La isla de calor de Iruñea y las vías para refrigerar una ciudad
![Carabelas](/media/asset_publics/resources/001/024/477/article_thumb_horizontal/carabelas.jpg)
Hospitalizado en Donostia tras una picadura de carabela portuguesa que provocó contracciones
![Feminicidio](/media/asset_publics/resources/001/013/593/article_thumb_horizontal/Feminicidio.jpeg)
Dieciocho años de prisión por matar a su socia y pareja en un bar de Iruñea
![Captura_de_pantalla_2024-09-02_a_las_14.24.58](/media/asset_publics/resources/001/151/966/article_thumb_horizontal/Captura_de_Pantalla_2024-09-02_a_las_14.24.58.png)