Santa Maria Capua Vetereko Fiskaltzak 108 agente eta funtzionario auzipetzeko eskatu du, herri horretako espetxean atxilotuei tratu txarrak emateagatik, pandemiak eragindako lehen konfinamenduan izandako matxinada baten ondorioz, tokiko komunikabideek igande honetan jakitera eman dutenez.
Italian oihartzun handia izan zuen kasu bat izan zen, atxilotuak belauniko eta agenteak borrekin hanketan eta bizkarrean joz erakusten zituen bideo bat zabaldu ondoren. Bideo hori 52 poliziei matxinadan izandako errepresioagatik kautelazko neurriak ezarri eta gero argitaratu zen.
108 agenteei tortura, lesioak, agintekeriaz jokatzea eta Aljeriako atxilotu baten heriotzan laguntzea leporatzen diete; horietako hamabiri, berriz, atxilotu hori hiltzea ere leporatzen diote. Beste 12 pertsonaren salaketak artxibatzea eskatu du Fiskaltzak.
Bideoa ekainean argitaratu zen, eta, horren ondorioz, Marta Cartabia Justizia ministroak antzeko gertakariak izan ziren kartzela guztiak ikuskatzeko agindua eman zuen, abusuak «Konstituzioari egindako traizio» gisa hartu ondoren.
Ikerketa zenbait presok apirileko matxinadaren ondorioz espetxeetako poliziek haien aurka ezarritako «zigorra» salatzean hasi zen; izan ere, espetxe barruan koronabirus kasu positibo baten berri izan ondoren gertatu zen, eta berehala iritsi ziren Napoli ondoko hiritik kontingente bereziak.
Tokiko hedabideen arabera, jipoiak egunetan zehar luzatu ziren, eta preso askok zauriak zituzten liskarrak izan eta hamar egunera.
![Lindane](/media/asset_publics/resources/001/153/115/article_thumb_horizontal/lindane.jpg)
El acoso machista en redes a Ane Lindane deriva en una petición para aplicarle la Ley Mordaza
![Naiznandocruzh](/media/asset_publics/resources/001/153/253/article_thumb_horizontal/NAIZnandocruzH.jpeg)
«El capitalismo ha engullido los festivales con voracidad fulminante»
![Antzar-eguna](/media/asset_publics/resources/001/153/331/article_thumb_horizontal/antzar-eguna.jpg)
Ehundik gora potinek parte hartu dute Lekeitioko Antzar Egunean
![Arnaldo](/media/asset_publics/resources/001/153/497/article_thumb_horizontal/arnaldo.png)
UPN coloca una pistola a Arnaldo Otegi en un fotomontaje y luego lo retira
![Apartamentos_pamplona](/media/asset_publics/resources/001/154/001/article_thumb_horizontal/apartamentos_pamplona.jpg)