![Bizkaiko autoeskoletako langileen mobilizazioa.](/media/asset_publics/resources/000/879/000/article_main_landscape/autoeskolak.jpg)
Ostiral honetan ELAk deitutako grebaren bigarren asteari amaiera emango diote, sektoreko langileek 33 egunez greba egin ondoren. Baina sindikatuak patronalaren proposamenik ez dagoela salatu du eta mobilizazioekin aurrera jarraitzea erabaki du, martxoaren 7, 8, 9, 10 eta 11rako beste greba aste bat deituta.
Hurrengo astean hasiko dira mobilizazioak, Bilboko eta Barakaldoko kaleak zeharkatuko dituen auto karabana batekin, eta ondoren, aste osoan zehar hainbat mobilizazio eta elkarretaratze egingo dituzte. Hilaren 8an, asteartean, Bilboko kaleak zeharkatuko dituen manifestazioa egingo dute.
ELAk «akordioak lortzeko eta gatazka bideratzeko borondatea» duela nabarmendu du. «Horregatik, etengabeko mugimenduak egiten ari gara zentzu horretan. Horregatik, APAVI patronalari berriro eskatu nahi diogu edukiak dituen kontraproposamena aurkezteko eta negoziazio mahaia deitzeko. Era berean, elkartutako autoeskolak ildo horretan kokatzera eta eragitera animatzen ditugu», gaineratu du sindikatuak ohar batean.
Azaldu duenez, Bizkaiko autoeskoletako langileek 11 urte daramatzate lan hitzarmena berritu gabe, eta sektoreko langileen soldatak, ordutegiak eta gainerako lan baldintzak oro har erabat «prekarioak eta kasu askotan irregularrak» dira.
![Aibar_policiaforal](/media/asset_publics/resources/001/143/848/article_thumb_horizontal/aibar_policiaforal.jpg)
Una joven de 15 años fallece en el accidente de una familia madrileña en Oibar
![Raimundoelcanastero2022](/media/asset_publics/resources/001/051/685/article_thumb_horizontal/raimundoelcanastero2022.jpg)
UPN quiere censurar a Raimundo el Canastero en las fiestas de Tafalla
![Naizgabarra](/media/asset_publics/resources/001/144/017/article_thumb_horizontal/NAIZgabarra.jpg)
Gabarra zahar baten koadernoa berreskuratu dute Donostiako Ondarreta hondartzan
![Ertzaintza](/media/asset_publics/resources/001/144/022/article_thumb_horizontal/ertzaintza.jpg)
Detenido un ertzaina por disparar a tres presuntos ladrones en Trebiñu y dar una versión falsa
![Txosnak](/media/asset_publics/resources/001/144/736/article_thumb_horizontal/Txosnak.jpg)