Erriberan zehar dabil gaur Korrika. Atzoko egunean Iruñerrian jendetzaren sostengua jaso zuen elurra eta hotzari aurre egiteko. «Maya, entzun, Iruñea euskaldun» izan zen ozenen entzun zen oihua eta gaur zein atzo eskubi politiko eta mediatikoak Korrika eta euskara beraren kontra aritu izan dira. Arrakasta baten aurrean erakutsi beharreko amorrua.
Gaur, berriz, panorama arras desberdina da. Errepide lauak eta luzeak dira eta herri batetik bestera kilometro ugari egin behar dira. Askoz ere jende gutxiago egoten ohi da Korrikan Erriberan, Iruñerrian izandako jende andanarekin zerikusirik ez. Halere, euskararen aldeko ekimen honek urtetik urtera uzten dituen irudi ikonikoen artean Erriberakoak izaten ohi dira. Eskualde honetan ere euskarak ere baduela bere txokoa frogatzeko aukera da.
Atzo aurre egin behar izan zioten elurra desagertu da Erriberako errepideetatik. Eguzkitsua atera da eguna. Hotzarekin bai, baina eguzkiarekin.
Castejondik pasa da dagoeneko Korrika eta bertan Palestinako eta Nafarroako banderak izan dute lagun lekukoa eraman dutenek.
Bai Castejonen bai Corellarako bidean (Errixako Alfaron sartu-irtena ere egin du Korrikak) haur asko izan dira lekukoa hartu dutenak. Ziurrekin euskarak etorkizuna baduela erakusteko sinbolotzat hart daiteke. Erriberan ere. Euskal Herriko hainbat tokitatik etorritako herritarrek ere bat egin dute Erriberan Korrikarekin.
Lekukoaren atzetik jende andana bildu da Tuterako kaleetan.
Corellan euskal kulturaren alde lan egiten duen bertako Tambarria elkarteak hartu du lekukoa.
Korrika Corellan, goiz aproposa. Korrika en Corella, una mañana ideal. pic.twitter.com/S7b2YFsUuJ
— txomin gonzález (@txominosasunbid) April 3, 2022
Herri honetatik Cintruenigorako bidean, Beton komertzioaren inguruan, ezkontzear dagoen Aintzanek hartu du lekukoa.
Maitasuna ere euskaraz! #KORRIKA n ere zenbat maitasun #Erribera #Hitzekin #Corella pic.twitter.com/ASyOeNwR44
— AEK (@AEK_eus) April 3, 2022
Cintruenigon Oñatitik eta Durangotik heldutako pailazo talde batek gidaturik zeeharkatu Korrikak Alhama ibaia herrian sartzeko.
Nork uste zuen #Cintrueñigo n euskaldun gutxi zeudela? Gaur ez behintzat, eta hurrengoan baietz gehiago! Segi #Erribera euskalduntzen eta hurrengo #KORRIKA arte lagunak! pic.twitter.com/0W3qDp8ZiK
— AEK (@AEK_eus) April 3, 2022
Cintruenigo eta Tutera arteko ibilbide luzean, 87 urteko Pili Landa euskaltzaleak hartu du lekukoa.
87 urteko Pilik familiari oparitu zion euskara, eta gaur eurek #KORRIKA ko lekukoa eramateko ohorea oparitu diote tarte batez #Erribera #Hitzekin pic.twitter.com/Y1UJQKT3w7
— AEK (@AEK_eus) April 3, 2022
Tuterako sarreran, LAB sindikatuetako ordezkariek hartu dute lekukoa ondoren Osasunbideako langileei pasatzeko. Alejandro Toquero alkateak Tuteran euskaldunik ez dagoela esaten badu ere, bi talde euskaltzaleen laguntzarekin sartu da korrika Erriberako hirian, Beterri peña eta Union Tutera futbol taldea. Argia ikastolak jaso du hurrengo txanda.
Jendetza batu da #Tutera-n #Erribera euskalduna aldarrikatzeko! Gora Tuterako AEK-ko ikasleak! Argia ikastolakoak, mugimendu feminista eta beste hamaika eragile batu dira! #Hitzekin pic.twitter.com/aiud1V34p1
— AEK (@AEK_eus) April 3, 2022
Ebro ibaiaren ibaia zeharkatu eta berehala Tuterako gaitariek hartu dute lekukoa Korrika Arguedaseko bidea hartu duelarik. Bertan haurrek hartu dute lekukoa, baita Valtierran ere, Mintzanet eta Ziripot Txarangaren kilometroetan.
#Valtierra-ko txikienek eskuz esku darabilte lekukoa eta ahoz aho euskara. #Hitzekin euskaldunduko dugu #Erribera! #KORRIKA pic.twitter.com/SRXA4d8OOh
— AEK (@AEK_eus) April 3, 2022
Alesbesera bidean, duela 7 urte joandako Aitziber Sarasola omendu dute, Nafarroan euskararen alde egindako lanagatik. Martzillan Sustrai Colina bertsolaria batu da Korrikara, eta hurrengo bertsoa eskaini die korrikalariei:
Erriberaren bihotzean, Sustrai Colinak bertso bat eskaini die korrikalariei.
— AEK (@AEK_eus) April 3, 2022
Eskerrik asko, bihotz-bihotzez!#Korrika #HitzEkin pic.twitter.com/tsTXhQ6esB
Zarrakaztelu egun osoko egitaraua izan da, eta sekulako harrera egin diote Korrikari, iluntze eder batek lagundurik.
Egun osoko egitaraua izan da #Zarrakaztelu-n eta harrera beroa egin diote #KORRIKA-ri! Erraldoi, kilili eta guzti! #Hitzekin pic.twitter.com/tBCb8IFEYH
— AEK (@AEK_eus) April 3, 2022
Fallece Koldo Anza, hermano de Jon Anza y extrabajador de la Real
Gatiburen ‘Azken zoramena’ Gernikan izango da: etxeko giroan, kalean eta ekainaren 7an
«Esto es un mazazo; con 50 años, ¿adónde vas?», el drama de los trabajadores de BSH
Detenido el exjugador del Athletic ‘Txutxi’, condenado por traficar con 950 kilos de cocaína
