![Ukraina-Euskadi elkartearen aurreko mobilizazio bat.](/media/asset_publics/resources/000/889/563/article_main_landscape/ukraina-euskadi.jpg)
Ukraina-Euskadi Garapen Lankidetzarako Elkarteak mobilizazioak deitu ditu larunbat honetan EAEko hiru hiriburuetan errusiar armadak Ukrainako gerran egindako «basakeriak» salatzeko.
Ohar batean, kolektibo horrek Bucha, Irpin, Hostomel eta Borodyankako gertakarien «izugarrikeriak« aipatu ditu, baita Kiev ingurukoak ere: «Populazio zibilaren aurkako ankerkeriek, hilketa masiboek, bortxaketek, torturek, munduaren begiak zabaldu dituzte, eta errusiar erasoaren larritasuna ezagutarazi dute», adierazi du.
Elkarte honen esanetan, «hori ez zen munduan gertatzen Bigarren Mundu Gerraz geroztik». «Mundu zibilizatuak ez zuen espero hau berriro ikustea 2022an. Zoritxarrez, Ukrainako herri baketsuaren genozidioa hemen eta orain egiten ari da. Errusiako Armadak basakeria eta izua eragiten ditu», gaineratu du.
NBEren arabera, apirilaren 6ra arte 1.563 biktima zibil hil eta 2.213 zauritu izan dira. Hauek dira egiaztatutako datuak, baina benetako kopurua horren gainetik egongo dela zehaztu du erakundeak.
Horregatik, asteburu honetan Ukraina-Euskadi elkarteak «gerra krudel honen biktima errugabeak» oroitu nahi ditu. Hala, larunbatean mobilizazioak deitu dituzte Bilbon, Donostian eta Gasteizen, 20. 30etan. Elkarretaratzeetara kandelak eta linternak eramateko deia egin dute.
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)
Dos bestazales violentamente atacadas por defender a un hombre de una agresión
![Moore](/media/asset_publics/resources/001/138/501/article_thumb_horizontal/moore.jpg)
Los 20 años de ‘Fahrenheit 9/11’, el máximo éxito de Michael Moore
![Gasteiz](/media/asset_publics/resources/001/140/870/article_thumb_horizontal/gasteiz.jpg)
Gasteizko Txosna Batzordeak txosnak jartzea erabaki du eta mobilizazioa deitu du abuztuaren 3an
![0729_eg_freixas(1)](/media/asset_publics/resources/001/141/247/article_thumb_horizontal/0729_eg_Freixas(1).jpg)