![Unai Lasok min hartu zuen Jakaren aurka eskuin besoan.](/media/asset_publics/resources/000/897/561/article_main_landscape/laso.jpg)
Aurtengo Buruz Buruko txapelketako lesio parteak ez du etenik eta Baikok jakitera eman duenez, Unai Lasok datorren asteartea arte geldirik egon beharko du, mediku txostenaren arabera Bizkarreta-Gerndiangoak «lesio muskulotendinosoa du, 1. gradukoa, eskuin besoko bizeps brakialean». Aurrelari nafarrak aurreko larunbatean Erik Jakaren aurkako partidan zehar izan zituen lehen sintomak eta partida nolabaiteko normaltasunez amaitu bazuen ere, astean zehar egindako entrenamendu batean mina berriro agertu eta horregatik ukok egin zion gaur Rezustaren aurka Baños de Rio Tobian jokatu behar zuen partidari.
Inguru horretako lesioak nahiko ohikoak eta korapilotsuak dira pilotarien artean, esaterako, Lasok berak antzeko lesio bat izan zuen 2019ko udan, eta kontuz ibili beharrekoak, haustura batek zenbait hilabetez geldirik egotea behartu baitezake. Momentuz, badirudi ez dela hausturarik eta aurrelari nafarra fisioterapia eta elektroterapia tratamendua egiten ari da, eta maiatzaren 10era arte ez du bere kirol-jarduera berrabiaraziko.
Proba, asteartean
Egun horretan proba bat egingo du maiatzaren 14an jokatu beharreko finalerdietako partidan –Altuna eta Zabaletaren arteko partidako irabazlearen aurka– jokatzeko moduan den ikusteko. Jokatzeko moduan ez balego, bere multzoan hirugarren tokian sailkatutako pilotariak hartuko luke bere lekua, kasu honetan, igandean Bilbon jokatuko duten Erik Jaka eta Artolak egingo lukete aurrera, biek ere Rezustaren aurkako euren partidak irabazi zituzten eta.
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)
Konexioa ezarri dute Lur-1ekin, orbitan jarri duten «lehen euskal satelitearekin»
![Bilbo](/media/asset_publics/resources/001/147/134/article_thumb_horizontal/bilbo.png)
La Policía Municipal de Bilbo retira pancartas y banderas palestinas; al menos 4 identificados
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)
Itziar Ituño inaugura la fiesta apelando al alma del Bilbo abierto, solidario y libre
![0807_eh_txominenea](/media/asset_publics/resources/001/143/842/article_thumb_horizontal/0807_eh_TxominEnea.jpg)