Gabi Daraspe urruñarra iragan ostiralean atzeman zuen Ertzaintzak Itziarren, ikasle greba batekin zerikusia zuen 2018ko auzi batengatik urte erdiko kartzela zigorra betearazteko. Horren ondotik, Martutenen espetxeratu zuten GKSko kidea, urte erdiko zigorra betetzeko.
‘Gedar’ kazetak berri eman duenez, asteazken arratsalde honetan aske geratu da baldintzapean. Darasperen defentsak 2018tik etenda zegoen epaia berriro eteteko eskatu zuen, eta eskaera onartuta atera da kartzelatik. Zigorrak bere horretan jarraitzen du eta, aipatu iturriaren arabera, oraindik beste bi auzi ditu zabalik lapurtarrak, biak bere jarduera politikoarekin lotutakoak. Haietako batean bost urteko espetxe zigorrari egin beharko dio aurre Daraspek; beste bost gazte ere auzipetuta daude.
Darasperen atxiloketaren ondotik Ipar Euskal Herriko GKSk mobilizazioa deitu zuen ostiral honetarako Baionan. Manifestazioari eutsi diote, urruñarraren «absoluzioa eta amnistia» aldarrikatzeko.
Cien años del primer muerto en el recorrido del encierro y algo de porno
Dos bestazales violentamente atacadas por defender a un hombre de una agresión
Primer concierto de Kortatu: unos «marcianos» que tocaron improvisadamente en Errenteria
Adidas retira a la modelo Bella Hadid de una campaña por su apoyo a Palestina
