![Maru Rizo dohaintzan eman dituen Amable Ariasen margoak erakusten.](/media/asset_publics/resources/000/905/427/article_main_landscape/canmaru.jpg)
Amable Arias (1927-1984) artistaren azken bikotekidea izan zen Maru Rizok dohaintzan eman dio Donostiako San Telmo museoari Gaur taldeko sortzaileetako bat izan zen margolariaren ‘Teatro Principal’ seriea, 61 akuarela eta arkatzez eta tintaz egindako 43 marrazkiz osatutakoa, argazki sorta batekin batera, kasu askotan Antzoki Zaharretik igarotzen ziren artistek eskuz idatzitako eskaintzarekin.
Mikel Lertxundi artearen historialariaren arabera, «Amable Ariasen serie honen dohaintza oso berezia da. Lehenik eta behin, artistaren multzo pertsonaletako bat da, Ascensio Martiarena hasierako maisuak emandako jarraibideak alde batera utzita egina. 1954 eta 1959 artean sortua da, bere amari, arropazaindegi zerbitzuaz arduratzen zenari, laguntzen zionean antzerkiarekin izan zuen harreman zuzenaren ondorioz».
Adituaren arabera, serieak antzerki espainiarraren eta XX. mendearen erdialdeko barietateen errebisten mundua berezi eta heterogeneo batera egindako hurbilketa biltzen du, eta udal eraikin horretan aritu ziren figura zehatzen nahiz margolariak zehaztasunez jaso zituen egoeren testigantza da. «Bere begien aurrean, aktoreak, dantzariak, bedeteak, komikoak eta musikariak igaro ziren, baina baita eszenatoki atzeko irudiak ere, egileak edo jantzi arduradunak bezala, eta guztiek bere interesa piztu zuten», aipatu du Lertxundik.
Gaia oso zehatza denez –udal kultur zerbitzu baten historiako aldi batekin zuzenean lotzen da–, bereziki interesgarria da bilduma hau San Telmo Museoan egotea. «Erakargarritasun handiko piezak dira, baina era berean istorio desberdinak kontatzen dituzte. Ia bakoitzak sentimendu baten oroitzapena dakar berarekin», adierazi du arte historialariak.
Dohaintza 2023ko erakusketa baten prestaketaren testuinguruan egin da, Mikel Lertxundik komisariatuko duena eta Dferia antzerki jaialdiaren baitan programatutako dena San Telmo Museoan. Erakusketa honi begira, gainera, museoak Antzoki Zaharraren historia labur bat egiteko enkargua egin dio Mikel Gurpegui kazetariari.
![Estebandomeno](/media/asset_publics/resources/001/135/856/article_thumb_horizontal/Estebandomeno.jpeg)
Cien años del primer muerto en el recorrido del encierro y algo de porno
![Naizxalbador](/media/asset_publics/resources/001/135/773/article_thumb_horizontal/NAIZxalbador.jpg)
AEBetako Glitterfox taldeak euskaraz eta disco ukituarekin grabatu du ‘Xalbadorren heriotzean’
![Encierro4](/media/asset_publics/resources/001/136/243/article_thumb_horizontal/encierro4.jpg)
Casi cuatro toneladas de Miura y dos tremendas embestidas en Mercaderes y la curva
![Indurain-villavesa2](/media/asset_publics/resources/001/136/510/article_thumb_horizontal/indurain-villavesa2.jpg)
Casi todos los incidentes imaginables se suceden en un encierro de la villavesa lento e irreal
![Bestak-garbiketa](/media/asset_publics/resources/001/136/867/article_thumb_horizontal/bestak-garbiketa.jpg)