![Eguneko garaileak txapelak buruan dituztela.](/media/asset_publics/resources/000/906/327/article_main_landscape/Arena3.jpeg)
Emakumezkoen pilotak urrats handiak ematen jarraitzen du oraindik egiteko duen bide luzean, eta igande honetan bere sabaietako bat hautsi du berriro, 1.600 zale batu baititu Nafarroa Arenan, gizonezkoen Buruz Buruko finala jokatu zenetik astebetera, Nafarroako Foru Komunitateko Torneoko finalak ikusteko.
Gure geografiako frontoi oso gutxik har lezaketen sarrera batekin, eta Iruñeko pilotalekuan antolatu den festarekin ikaragarri gozatu duten pilotazaleen babesarekin, Goiuri Zabaletak, gaztetan, eta Amaia Aldai-Nora Mendizabal bikoteak irabazi dituzte pilota mistoko txapelak. Antolatzaileen hitzetan, «bigarren edizio honetan jarritako helburu guztiak bete ditu txapelketak», erreferentziazko lehiaketa bat izatera heldu delako eta parte hartzea erabat irekia izan delako, hala nahi izan duten emakume guztiek euren beharretara moldatzen den txapelketa bat eskuragai izan dutelako.
Gaurko finalei dagokienez, elite mailan, Amaia Aldaik eta Nora Mendizabalek 22 eta 16 gainditu dituzte Maddi Barrokal eta Itxaso Erasun, aurreko koadroetan borroka handia izan duen partidan. Azkenenerako, ordea, Amaia Aldai nagusitu da, Dimako pilotariak tantoak amaitzeko orduan eskarmentu eta erabakitasun handiagoa erakutsi baitu.
Gazteen Lau eta Erdikoan, Leitzako Goiuri Zabaletak txapela etxean geratzea lortu du, finalean Leire Galeano gipuzkoarra 18-10 mendean hartuta. Pilotari nafarrak kalitate eta indar handia erakutsi du bere pilotakadetan, eta badirudi laster jauzia eman eta eliteko pilotarien artean lehiatzeko moduan izango dela.
![Bayesian](/media/asset_publics/resources/001/148/137/article_thumb_horizontal/bayesian.jpg)
¿Quién es Mike Lynch? Las «vacaciones corporativas» trágicas del «Bill Gates británico»
![Ernai_bilbo](/media/asset_publics/resources/001/148/139/article_thumb_horizontal/ernai_bilbo.jpg)
Irailaren 8an Donostia «gazte independentistez betetzeko» deia, Bilboko jaietako gazte egunetik
![Raimundoelcanastero2022](/media/asset_publics/resources/001/051/685/article_thumb_horizontal/raimundoelcanastero2022.jpg)
UPN sigue forzando la máquina contra Raimundo el Canastero: cuatro citaciones más en Lizarra
![Mont-blanc](/media/asset_publics/resources/001/148/339/article_thumb_horizontal/mont-blanc.jpg)
Mueren dos montañeros guipuzcoanos, de 26 y 27 años, en el Mont Blanc
![0822_jaia_paya](/media/asset_publics/resources/001/148/369/article_thumb_horizontal/0822_jaia_paya.jpg)