Lakuako Gobernuak bi milioi euroko diru-laguntza deialdia egin du lantokietan euskararen presentzia eta erabilera areagotzeko asmoarekin. Hala eta guztiz ere, aurreko urteko deialdiarekin badago aldaketa azpimarragarri bat, izan ere, 2022. honetako deialdian ez da ezinbesteko baldintza izango euskara-plan bat izatea laguntzak jasotzeko.
Horregatik, diruz lagundu daitezkeen jarduerak lau taldetan sailkatu ditu Exekutiboak, astearte honetan ospatu den Gobernu Kontseiluaren bileran adostu dutenez.
Lau taldetan sailkatuta
Lehenengoak (150.000 euro) euskara planik ez duten erakundeetan euskararen erabilera edo presentzia sustatzeko ekintzak biltzen ditu.
Bigarrena (200.000 euro) euskararen egoeraren diagnostikoa egitera, euskara-plana diseinatzera eta, nahi izanez gero, martxan jartzera bideratuko da; hirugarrenean (1.100.000 euro), berriz, planean jasotzen diren jarduerak kokatzen dira.
Azkenik, laugarren taldeak (550.000 euro) hizkuntza-proiektu estrategikoak garatzen ditu, euskara-planetik haratago, ibilbide luzea duten enpresetan edo hizkuntza horren kudeaketa-maila aurreratua duten enpresetan.
2021eko deialdian, orotara, 112 enpresak jaso zuten diru-laguntza.
Cien años del primer muerto en el recorrido del encierro y algo de porno
Dos bestazales violentamente atacadas por defender a un hombre de una agresión
‘Belak mastara eta euskara plazara’ aldarriarekin ospatuko dute Donostiako Piratek Aste Nagusia
El donostiarra Xabier Atristain queda en libertad condicional tras 13 años preso
