Gizon bat zauritu da goizalde honetan Bilbon, borroka batean labankada bat jasota, Lakuako Gobernuko Segurtasun saileko iturriek baieztatu dutenez. Gertakaria larunbat goizeko seiak eta bost inguruan izan da, Bizkaiko hiriburuko Pio Baroja kalean, tranbiaren geralekuaren parean.
Antza denez, bi pertsona talderen arteko borroka izan da, Pio Baroja kale inguruan gertatutakoa, eta gizon bat arma zuriz –edo kristal motaren batez– zauritu dute, azaldu duenez. Zauritutako gizona Gurutzetako ospitalera eraman dute, jasandako lesioak artatzeko, eta Ertzaintzak ikerketa abiatu du gertatutakoa argitzeko.
Bestelako salaketak
Bestalde, Ertzaintzak salaketa bat jaso du ziztada kasu batengatik, ospatzen ari diren jaien testuinguruan. Honen arira, poliziek jakitera eman dute duela egun batzuk ziztadak ematen ibili zen pertsona bat identifikatzea lortu dutela; honen kontrako salaketarik ez zegoen. Aipatzekoa da ia egunero ematen ari direla zitada kasuak. Esaterako, aurreko egunean beste bi salaketa jaso zituen Ertzaintzak.
Guztira, azken 24 orduetan, 26 pertsona atxilotu dituzte eta 5 lesio-delitu, 28 larderiaz egindako lapurreta eta 143 ebasketa erregistratu dira Bilbon, Aste Nagusiaren azken asteburuan.
Cien años del primer muerto en el recorrido del encierro y algo de porno
AEBetako Glitterfox taldeak euskaraz eta disco ukituarekin grabatu du ‘Xalbadorren heriotzean’
Casi todos los incidentes imaginables se suceden en un encierro de la villavesa lento e irreal
Dos bestazales violentamente atacadas por defender a un hombre de una agresión
