Ibon Fernandez Iradi lasartearra Lannemezanetik Martutenera lekualdatu dutela jakinarazi du ostegun honetan Etxeratek; Estatu frantseseko espetxe batetik Estatu espainoleko beste batera, beraz, eta etxetik gertuago. Lannemezangoa Lasartetik 330 kilometrotara dago.
50 urte ditu Ibon Fernandez Iradik eta 19 urte daramatza espetxean, Etxeratek gogora ekarri duenez. «Gaixotasun larriak dituzten euskal presoen zerrendan dago. Esklerosi anizkoitza du, espetxean oso modu zailean eramaten den gaixotasuna. Berak eskatu du Frantziako kondena betetzeko falta zaiona Euskal Herrian egitea», azaldu du.
Gaixotasun larri hori dela eta, kondena bertan behera uzteko ekimena abiatu zen Estatu frantsesean, baina bertako auzitegiek uko egin diote beti. Luze doa afera, 2014. urtean Zigor Aplikaziorako Auzitegiak zigor etete horri oniritzia eman ziolako, baina prokuradoreak helegitea aurkeztu eta erabaki bertan behera utziarazi zuen. Beste saiakera batek erantzun berbera izan zuen duela bi urte eta erdi.
Zenbait protesta burutu dira denbora tarte honetan Ibon Fernandez Iradiren alde. Deigarrienetako bat Baionako Auzitegiaren sarreran eginikoa izan zen, bertara anbulantzia bat eraman eta gaixorik diren presoen aldeko aldarrikapen ozena egin baitzuten Bake Bideako kideek.
Cien años del primer muerto en el recorrido del encierro y algo de porno
AEBetako Glitterfox taldeak euskaraz eta disco ukituarekin grabatu du ‘Xalbadorren heriotzean’
Casi cuatro toneladas de Miura y dos tremendas embestidas en Mercaderes y la curva
Casi todos los incidentes imaginables se suceden en un encierro de la villavesa lento e irreal
