![Kattalinguneko langileen performancea, Nafarroako Gobernuaren murrizketak salatzeko.](/media/asset_publics/resources/000/966/035/article_main_landscape/kaleratzeak.jpg)
Kartoizko kaxak eskuan, performance baten bidez hiru langileren kaleratzea eta mantenduko dituzten laurei geratzen zaien lan karga irudikatuz, Nafarroako Gobernuko LGTBIQ+ zerbitzuko langileek Kattalinguneren lizitazio publiko berriaren murrizketak salatu dituzte ostiral honetan.
«Gaurtik aurrera, hiru pertsona kalean geratuko gara, eta zerbitzua lau langilerekin bakarrik geratuko da. Gaurko galdera, beraz, hau da: lau langilek zazpi profesionalen lana egingo dute?», salatu dute.
Prentsaurrekoa Kattalingune LGTBI+ zerbitzuaren egoeraren berri emateko. Langileen kaleratzea salatu dute performance baten bidez. @naiz_info pic.twitter.com/kC29rQO3ol
— Ibai Azparren (@ibaiazparren) January 13, 2023
Azaldu dutenez, Javier Remirez kontseilariak osteguneko bilkuran, zerbitzuaren «trantsizioaz» hitz egin zuen. «Zer trantsizio mota da langileek astebete eskas izatea beren kasuak eta egindako lan guztia ixteko? Zer trantsizio motak dakar zerbitzuaren etorkizunari buruzko erabateko ziurgabetasuna duten profesionalengana pasatzea? Txapuza izugarria da horrek islatzen duena», nabarmendu dute.
Lizitazio berriak aurrekontu txikiagoa aurreikusten duela nabarmendu dute agerraldian; izan ere, 248.000 eurotatik, BEZa kenduta, 205.000 euro geratzen direla adierazi dute. «Diru hori osorik dago (248.000 euro) 2023rako Nafarroako aurrekontuetan Kattalingune zerbitzua kudeatzeko onartutako zenbatekoan. Horrekin, nahi bada, plantilla osoa eta zerbitzua dagoen bezala mantendu daitezke», azpimarratu dute.
Zerbitzua profesionalizatzeko ustezko ahalegin horrek «urte hauetan egin den lana galtzea eta prozesu irekiak dituzten erabiltzaileak artatzeari uztea» eragingo luke langileen arabera, baita familiak, profesionalak, ikastetxeak, elkarteak, kolektiboak eta udalak artatzeari uztea ere, landa eremuetan daudenak ahaztu gabe.
«Badirudi Gizain Fundazioak xurgatuko duela zerbitzua. Baina zer xurgatuko du? Zazpi profesionaleko zerbitzu bat, 248.000 euro horiekin berma daitekeena? Edo bideraezina dena, lan gainkarga duten lau pertsonekin?», adierazi dute.
«Hau al da zerbitzu bat finkatzea? Hau profesionalizatzea da? Hau lotsagabekeria bat da eta atzera pausu bat. Eta Kattalinguneko langileok ezin gara geldirik edo isilik geratu horrelako ekintzen aurrean», nabarmendu dute.
Ildo horretan, Nafarroako Gobernuak eta Nafarroako Berdintasunerako Institutuak bere asmoekin jarraitzen badute, sortuko duen gauza bakarra LGTBIQ+ zerbitzu «prekarizatua» eta «bideraezina» izango dela azpimarratu dute. Hala ere, «akatsa onartzeko» oraindik denbora dagoela nabarmendu dute, «zerbitzu duin baten alde lan egiteko».
![Putin](/media/asset_publics/resources/001/142/722/article_thumb_horizontal/putin.jpg)
La Fiscalía presenta ahora su acusación formal contra Pablo González, liberado hace dos semanas
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Donosti_maa4638](/media/asset_publics/resources/001/146/738/article_thumb_horizontal/donosti_MAA4638.jpg)
Herida de gravedad una joven al caer a las rocas desde el muelle de Donostia
![Lur](/media/asset_publics/resources/001/146/783/article_thumb_horizontal/lur.jpg)
Konexioa ezarri dute Lur-1ekin, orbitan jarri duten «lehen euskal satelitearekin»
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)