![2019ko Baztandarren Biltzarra.](/media/asset_publics/resources/000/983/742/article_main_landscape/baztandarrenbiltzarra.jpg)
Uztailaren 16an egingo dute Baztandarren Biltzarra, Elizondon. Erreleborik ezaren ondorioz bertan behera utziko zutela ohartarazi bazuten ere, taldea indarberritu eta bestaren 60. urtemuga antolatu dute, azkenean. Herritarrei jaian ez ezik antolakuntzan ere parte hartzeko deia luzatu diete: «Gu motorra izanen gara baina bolondresen eta Baztango 15 herrien laguntza ezinbertzekoa da besta hau behar bezala ospatzeko».
Urtarrilaren 2an orain arte Baztandarren Biltzarra antolatzen zuen taldeak iragarri zuen ardura utziko zuela eta kolokan geratu zen Baztango festarik ezagunena. Hala ere, inork gidaritza hartzeko prestutasuna agertzekotan laguntzeko borondatea agertu zuten, eta horrela izan da: «Orduko zenbait kide eta ilusioz agertutako zenbait baztandar elkartu eta elkartearekin aitzinera egitea erabaki dugu». Izan ere, adierazi dutenez, baztandar askok «nortasunaren zati bat» galtzen zutela sentitu zuten eta talde «anitza» osatu dute.
60. urteurrena izango du festak aurten eta «berezia izatea» nahi duela adierazi dute. Hala ere, gogora ekarri nahi izan dute Baztandarren Biltzarrak lehenago ere oztopoan izan dituela, eta baita gainditu ere. Hala nola, «1976 eta 1986ko tentsioak, bigarren hortan besta bertan behera geldituz, edota 2020 eta 2021eko hutsuneak, covid-19ak eraginda».
Aurten ordea, lortu dute lantaldea osatu eta festa antolatzea eta baztandarrei zuzendu zaizkie «Hasi baserritar jantziei hautsak kentzen, has zaitezte zuen orgetarako ideiak pentsatzen, segi Baztanen eskuaraz barra-barra solastatzen, auzolan erraldoi hau ez baita itzaliko!».
![Bidasoa-irla](/media/asset_publics/resources/001/142/169/article_thumb_horizontal/bidasoa-irla.jpg)
Traspaso de poderes en el condominio más pequeño del mundo, la Isla de los Faisanes
![Putin](/media/asset_publics/resources/001/142/722/article_thumb_horizontal/putin.jpg)
Pablo González, libre tras dos años y medio sin pruebas en contra ni juicio
![Palestinarrak-paris](/media/asset_publics/resources/001/142/420/article_thumb_horizontal/palestinarrak-paris.jpg)
Electos de Maule ceden parte de su asignación para apoyar a los atletas olímpicos palestinos
![Lizarra](/media/asset_publics/resources/001/142/865/article_thumb_horizontal/lizarra.jpg)
La fiesta en Lizarra arranca con represión a un cantante, cohete dividido y Bajadica suspendida
![Policia](/media/asset_publics/resources/001/142/734/article_thumb_horizontal/policia.jpg)