![Atxiloketatik bertatik babes handia izan zuen Gorka Lupiañez durangarren partetik, tortura larriak salatu zituen eta.](/media/asset_publics/resources/000/984/704/article_main_landscape/lupi.jpg)
Gorka Lupiañez preso durangarrari baldintzapeko askatasuna onartu diote azkenean, Etxeratek asteazken honetan jakinarazi duenez.
🟢📌 Gorka Lupiañez preso elorrioarraren baldintzapeko askatasuna irmoa da dagoeneko
— Etxerat Elkartea (@EtxeratElkartea) March 22, 2023
2022ko maiatzan hirugarren gradua eman zioten. 15 urte eta erdiko espetxealdia bete du Elorrioko presoak. Ongi etorri Gorka! #batgutxiago
Oharra 👇https://t.co/ET42j1jqwd
Badira hamabost urte baino gehiago Guardia Zibilak atxilotu eta espetxeratu zuenetik, Berrizen hain zuzen ere. Tortura larriak salatu zituen eta horiek egiazkoak zirela onartu zituen Nazio Batuen Erakundeen Giza Eskubideen Batzordeak 2019. urtean. Oso gutxitan gertatu da hori.
Bilboko La Salve kuartelean zein Madrilgo kalabozoetan gertatu ziren tortura horiek, Guardia Zibilaren eskutik, eta besteak beste bortxaketa eta eguneko 50 «poltsa» saio baino gehiago bildu zituzten, NBEk ontzat emandako lekukotasunaren arabera.
Beste ehunka presori bezala urruntzea aplikatu zitzaion, eta Salamancako Topaseko espetxean zela, 2016. urtean, horren ondorioz auto istripua pairatu zuten bera bisitatzera zihoazen lagunek, horietariko bat adin txikikoa.
Azken urteotan Gobernu espainolak abiatutako Euskal Herriratze prozesuaren testinguruan, 2020. urtean Topasetik Logroñora lekualdatu zuten Lupiañez, eta kartzelaldiaren azken fasean hirugarren graduan egon da. Orain baldintzapeko askatasuna onetsita, ez da espetxera itzuli beharko.
![0908_eko_mecaner](/media/asset_publics/resources/001/152/879/article_thumb_horizontal/0908_eko_mecaner.jpg)
La lucha de GKN inspira el proceso de transición ecosocial en Mecaner
![Naiznandocruzh](/media/asset_publics/resources/001/153/253/article_thumb_horizontal/NAIZnandocruzH.jpeg)
«El capitalismo ha engullido los festivales con voracidad fulminante»
![Arnaldo](/media/asset_publics/resources/001/153/497/article_thumb_horizontal/arnaldo.png)
UPN coloca una pistola a Arnaldo Otegi en un fotomontaje y luego lo retira
![Apartamentos_pamplona](/media/asset_publics/resources/001/154/001/article_thumb_horizontal/apartamentos_pamplona.jpg)
EH Bildu, PSN, Geroa Bai y Contigo-Zurekin no permitirán más pisos turísticos en Alde Zaharra
![Vinicio](/media/asset_publics/resources/001/154/378/article_thumb_horizontal/vinicio.jpg)