LABek gogor kritikatu du Polizia frantsesaren jarrera. Izan ere, sindikatuak nabarmendu duenez, «Macronen erretretaren erreforma bidegabearen aurka mobilizatu diren manifestariak gasatu ditu» Baionan.
«Manifestazioan haur, adindun edo mugikortasun urriko pertsona asko presente ziren», gaineratu du, eta gertutakoa «onartezina» dela azpimarratu du komunikabideei bidalitako ohar batean.
«Gure karriketan segurtasun eta lasaitasun osoz, lankideen eta lagunen artean, familian manifestatzearen eskubidea defendatzen dugu, poliziaren aldetik gero eta gehiegizkoagoa den indarkeria jasan gabe», gaineratu du.
Azaldu duenez, manifestazioaren ondoren, Polizia frantsesak hainbat atxiloketa egin ditu «bortizkeria handia erabiliz». «Gainera, Baionako AEKren lokalean sartu eta miatu dute manifestarien bila», ohartarazi du sindikatuak.
Egoera honen aurrean, LABek sostengua adierazi die gasatuak eta atxilotuak izan direnei, baita AEKko langileei ere.
Elkarretaratzeak Baionan eta Donibane Garazin
Halaber, ostiral honetan, arratsaldeko 18.30ean, Baionako komisaldegiaren aurrean, eta Donibane Garaziko Herriko Etxeareb aurrean deituriko elkarretaratzetan parte hartzera dei egin du LABek.
«Macronen munduaren aurka mobilizatzen segi dezagun! Segi dezagun borrokan!», adierazi du sindikatu abertzaleak.
EHZ Festibalak, bere aldetik, agiria plazaratu du esanez 9 pertsona atzeman zituztela Baionan eta horietatik bi bere laguntzaile direla.
Prefeturak lau atxiloketa baieztatu zituen atzo arratsaldean.
Electos de Maule ceden parte de su asignación para apoyar a los atletas olímpicos palestinos
La fiesta en Lizarra arranca con represión a un cantante, cohete dividido y Bajadica suspendida
Dos detenidos en Iruñea acusados de agredir a un seguidor de la selección española
Gasteizko Oroimen Zentroari Urrezko Domina «iraingarria eta umiliagarria» dela salatu dute
