Apirilaren 19an hasitako gose greba astearte honetan bertan behera utzi du Garikoitz Etxeberria Lizartzako presoak, Tinko Amnistiak bere webgunearen bidez aditzera eman duenez. Zaballako espetxean bakartze egoeran zegoela salatzeko abiatu zuen protesta, eta astelehenean bat egin zuten beste zazpi presok, elkartasunez.
Tinko Amnistiaren arabera, «kartzelak ziurtatu dio aste honetan edo hurrengoan modulu arrunt batean egongo dela eta ez duela ziega beste inorekin partekatu beharko».
«Patio grebarekin» abiatu zuen protesta, eta azkenean, gose grebari ekin zion pasa den asteazkenean. Elkartasunez, astelehenean gose grebaren protestarekin jarraitu zuten Zaballako espetxean Jon Kepa Preciado, Orkatz Gallastegi, Mikel San Sebastian, Aitor Cotano, Dani Pastor eta Jesus Mari Etxebarriak, eta Patxi Ruizek gauza bera egin zuen Iruñeko kartzelan. Hauek ere bertan behera utzi dute gose greba Tinko Amnistiak adierazi duenez.
El estreno de Iñaki Kerejazu como Celedón desborda Gasteiz con recuerdo a los ausentes
Dos getxoztarras, madre e hija, fallecen en un accidente en Tanzania
Una joven de 15 años fallece en el accidente de una familia madrileña en Oibar
Gabarra zahar baten koadernoa berreskuratu dute Donostiako Ondarreta hondartzan
