Gaur hil da Joan Mari Irigoien idazlea, 74 urte zituela. Albistea jakin bezain laster, sare sozialak mezuz pilatu dira. Esker eta agur mezuak izan dira nagusi, baina baita beste mota batekoak ere.

Euskal Idazleen Elkarteak «idazle handi eta pertsona hobe» gisa definitu du.

Joan Mari Irigoien hil da. Idazle handia eta pertsona hobea joan zaigu. Euskal letrak doluan ditugu. Gugan bego bera, gugan beude bere lanak. Besarkadarik handiena etxekoei. pic.twitter.com/d4WR4SiXrp

— Euskal Idazleen Elkartea EIE (@IdazleElkartea) May 17, 2023

Susa argitaletxeak poema batekin esan nahi izan dio agur eta Karmele Jaio idazleak «mendi-tontor eguzkitsuari begira».

Iluna da bizitza,
baina
edozein
gizon-emakumeren bizitza
alferrikakoa ez dela
dakidalako...,
aurrera jarraituko dut,
esperantzaz,
ene bide gabeko bidean...

Joan Mari Irigoien #basquepoetry https://t.co/p8hgppzpcX pic.twitter.com/nSSOJOnK9L

— ARMiARMA.eus (@armiarma) May 17, 2023

Mendi-tontor eguzkitsuari begira gogoratuko zaitut beti. ❤️Eskerrik asko, Joan Mari Irigoien. Agur eta ohore. pic.twitter.com/sKYkUVSaXo

— Karmele Jaio (@karmelejaio) May 17, 2023

Kirol munduan ere bada Irigoien gogoratu duenik. Izan ere, Irigoien Sansen aritu zen, Realaren bigarren taldean. Bertan 95 partida jokatu zituen eta 13 gol eskuratu.

⚫️ Gaur Juan Mari Irigoien hil da, bere lanen bidez kulturaren eta futbolaren arteko lotura irudikatzen zuen harrobiko jokalari ohia eta idazle donostiarra. Goian bego. pic.twitter.com/IODIkxYbVv

— Real Sociedad Fútbol (@RealSociedadEUS) May 17, 2023

Athleticek, bere aldetik, ‘Derbia’ izan du gogoan, 2019an Altzako idazleak aurkeztu zuen eleberria.

⚫️ Joan Mari Irigoien idazlea hil da. Euskal literaturan arrasto sakona utzi du haren obrak.

Tartean, euskal derbia hizpide izan zuen donostiarrak.

Gugan bego, maisu. #AthleticClub 🦁 pic.twitter.com/Mhc0ysjy2i

— Athletic Club (@athletic_eus) May 17, 2023

Futbolean zebilenean berriki zendu den Iñaki Alkizak torneo bateko jokalari onenaren saria eman zioneko argazkia ere oroitu du Ander Gortazarrek.

Joan Mari Irigoien torneoko futbolari onenari saria jasotzen. Irudian Iñaki Alkiza.
Iturria: Begoña Alkiza, via https://t.co/f5klBmO0pD @AltzakoHM. pic.twitter.com/M2r5fUY4HF

— Ander Gortazar Balerdi (@andergortazar) May 17, 2023

Donostiako alkateak, Eneko Goiak, ere mezu bat utzi nahi izan du Altzako idazlearentzako.

Joan Mari Irigoien idazle altzatarrak utzi gaitu gaur. Nere belaunaldia “Babilonia” irakurtzen hazi da. Bere lan ikaragarriak euskal literatura goi mailara igo zuen. Adiorik ez. pic.twitter.com/C3bP4xYdsV

— Eneko Goia Laso (@EnekoGoia) May 17, 2023

EH Bilduk Gipuzkoan ahaldun nagusi izateko duen hautagaiak, Maddalen Iriartek, «euskal literaturari egindako ekarpen ederra eta elkarrizketarako gogoa» nabarmendu ditu.

Euskal literaturari egindako ekarpen ederra eta elkarrizketarako beti erakutsi zenidan gogoa ez ditut ahaztuko.

Arin bekizu lurra, Joan Mari Irigoien. pic.twitter.com/6wDgGgRovS

— Maddalen Iriarte Okiñena (@MaddalenIriarte) May 17, 2023

Beste erakunde eta norbanako ugarik ere utzi nahi izan dituzte mezuak.

Ekialdera joan nahi nuke
antzinako bidetik
baina eguzkiak mendebaldera narama.

Zainetan barna
bihotz ahituaren kirrinkak entzun ditzaket.

Neguko haizeak
hezurraren hutsak eta hautsak
harrotuko ditu,
urrezko dortokak dautzan hilerrian

Joan Mari Irigoien pic.twitter.com/7yQh9oMI7r

— Marisa Barrena Larruzea (@MarisaBarr31103) May 17, 2023

Pena itzela Joan Mari Irigoien hil delako!
Idazle kuttunetakoa dut. "Poliedroaren hostoak", "Babilonia" eta "Udazkenaren balkoitik" liluratu ninduten.
Eta "Kalamidadeen liburua" lanarekin barrez lehertu.
Gugan dago eta gure apaletan ere bai

— leire narbaiza arizmendi 🟣 (@txargain) May 17, 2023

Pasaiako Badian pertsona estimatua izan da Joan Mari Irigoien, Altzako idazle handia. Nire irakurketa eklektikoetan, euskarazko literaturan murgildu ninduen.
Agur eta mila esker! 🌾https://t.co/fAbBJg3LDQ pic.twitter.com/cRdZmWTHqA

— Beñat Irasuegi Ibarra #Koop #ESE 🔻 (@birasuegi) May 17, 2023

Joan Mari Irigoien euskal idazlea zendu da. Euskaltzale eta abertzale zintzoa. Euskal kulturaren kolosoa!
Egun handirarte Joan Mari! pic.twitter.com/NhH3zxqWZX

— TM eLab Euskal Herrigintza Laborategia (@TM_eLab) May 17, 2023

Euskaltzain urgazlea, idazle aparta eta gizon ona.
Joan Mari Irigoien idazlea hil da https://t.co/abFZajyP1h Honen bidez: @berria

— Euskaltzaindia (@plazaberri) May 17, 2023

https://t.co/J1yEWXLnQ3

— Pirritx Porrotx eta Marimotots (@KatxiporretaEus) May 17, 2023