![Cristina Tonettik Top Girls Fassa Bortolo taldean eman ditu lehen urratsak profesional maila.](/media/asset_publics/resources/001/029/239/article_main_landscape/Cristina-Tonetti_2023_3.jpg)
Cristina Tonettik (2002, Besana Brianza) «bere talentua eta gaztetasuna» gehituko dizkio Laboral Kutxa-Euskadi Fundazioa taldeari datorren urtetik aurrera. Txirrindulari italiar gazteak bi denboraldirako sinatu du, 2024 eta 2025erako.
Euskadi Fundazioak jakinarazi duenez, Tonettik lehen urratsak eman ditu profesionaletan Top Girls Fassa Bortolo taldean (2022 eta 2023), eta orain Laboral Kutxa aukeratu du, «nazioarteko egutegiko lasterketa onenetan» txirrindulari gisa dituen dohainak eta duen maila erakusteko. «Taldearentzat etorkizuneko apustua da eta, aldi berean, taldea klasikoetan eta erlojupeko probetan indartuko du. Aste honetan, Etorkizuneko Tourrean lehiatzen da Italiako selekzioarekin», azaldu du Fundazioak.
Txirrindulariak Giroko azken bi ekitaldiak jokatu ditu eta UCIko probetan podiuma zapaldu du eta hainbat aldiz sailkatu da aurreneko hamarren artean. 2023an, Italiako erlojupeko taldekako txapelduna eta 23 urtez azpiko txapeldunordea izan zen, bigarren izan zen Trofeo Ponente in Rosa eta GP Liberazione klasikoetan, laugarren La Classique Morbihanen eta bosgarren Trofeo Oro in Euro lasterketan.
Bere aita, Gianluca Tonetti, profesionala izan zen 1989 eta 2005 artean. Tonetti bosgarren fitxaketa da datorren denboraldirako, Laura Tomasi, Ane Santesteban, Catalina Soto eta Jessenia Meneses txirrindularien ondoren.
Tonettik adierazi duenez, «talde honetan parte hartzeko gogo handia» azaldu du. «Laboral Kutxak proiektu garrantzitsua du, eta konfiantza handia dut harengan. Nire taldekideengandik asko ikastea espero dut, eta nire ibilbide profesionalean beste urrats handi bat ematea», adierazi du. «Klasikoetako txirrindularitzat daukat neure burua, eta errendimendu ona dut erlojupekoan. Etorkizunean, espero dut nire susperraldia hobetzea itzulietan eta nire gaitasuna igoera luzeetan... Nahiz eta nire ametsetako lasterketa eta helbururik handiena Flandriako Tourra izan beti», onartu du.
Azkenik, Ion Lazkano Laboral Kutxa-Euskadi Fundazioko kirol arduradunak azaldu duenez, «Cristina txirrindulari gaztea eta etorkizun handikoa da. Balioaniztasunagatik nabarmentzen da, mendi erdia gainditzeko gai da eta abiadura punta interesgarria duelako talde txikietan, askotariko ibilbideetan emaitzak lortzeko».
«Gainera, klasikoak oso ondo egokitzen zaizkion txirrindularia da, eta ikusiko dugu noraino irits daitekeen, aurrera egiteko tartea eta gaitasun handia duelako. Pozgarria da gure taldeak bere hazkundearekin jarraitzeko aukeratu izana, eta talentu hori garatzeko ingurunea eta tresna guztiak ematea espero dugu», gehitu du.
![Captura_de_pantalla_2024-08-14_a_las_20.40.52](/media/asset_publics/resources/001/146/475/article_thumb_horizontal/Captura_de_pantalla_2024-08-14_a_las_20.40.52.png)
Kaleko saltzaileen aurkako polizia-operazioa Bilboko Areatzan, Aste Nagusiaren atarian
![Lur](/media/asset_publics/resources/001/146/783/article_thumb_horizontal/lur.jpg)
Konexioa ezarri dute Lur-1ekin, orbitan jarri duten «lehen euskal satelitearekin»
![Bilbo](/media/asset_publics/resources/001/147/134/article_thumb_horizontal/bilbo.png)
La Policía Municipal de Bilbo retira pancartas y banderas palestinas; al menos 4 identificados
![Captura_de_pantalla_2024-08-17_a_las_20.44.31](/media/asset_publics/resources/001/147/184/article_thumb_horizontal/Captura_de_pantalla_2024-08-17_a_las_20.44.31.png)
Itziar Ituño inaugura la fiesta apelando al alma del Bilbo abierto, solidario y libre
![0807_eh_txominenea](/media/asset_publics/resources/001/143/842/article_thumb_horizontal/0807_eh_TxominEnea.jpg)