UPNren eskuetan dagoen Eguesibarreko Udalak ez duela euskararen udal ordenantza betetzen salatu du EH Bilduk ohar baten bidez. Talde abertzaleak nabarmentzen duenez, behin baino gehiagotan egin dituzte gisa honetako salaketak, baina oraingoan Nafarroako Arartekoak ere hauekin bat egin duela azaldu dute, Eguesibarreko herritarren hizkuntza eskubideak urratzen dituztela onartuz.
«Egun hauetan, ikasturtea hastear dagoela, herritar askok helarazi digute euskarazko jardueren eskaintzarik eza. Kirol, kultura, gazte edo beste edozein eratako jardueretan, haur, gazte edo helduentzako euskara eskaintza minimoa da», adierazi du Eguesibarreko EH Bilduk.
«Hala da, UPNk, gaur Udalean gobernatzen duenak, Navarra Sumak euskarafobiarekin hasitako bideari jarraitzen dio. Behin eta berriz, UPNk herritarren hizkuntza eskubideak urratzen eta zapaltzen ditu», gaineratu du EH Bilduk.
Eskubide urraketa hau ez da soilik euskararen esparruan ematen, EH Bilduk salatu duenez. Izan ere, antzeko jarrera du UPNk gobernantzarekin. «Arazo berberak errepikatzen dira», adierazi du talde abertzaleak.
«EH Bildutik lanean jarraituko dugu euskaraz bizitzeko eskubidearen alde, are gehiago euskararen aurkako erasoek etenik ez dutenean», gaineratu du EH Bilduk.
«La ministra Robles me dijo que pasemos página, que nos olvidemos del ‘caso Almería’»
«Hay que aprovechar los momentos políticos favorables para la denuncia de la tortura»
Fallece Antxon Lafont, empresario soberanista, mecenas y «peatón» en GARA
Donostia colocará una placa por Mikel Zabalza a las puertas del cuartel de Intxaurrondo
